Circular Polarizing Filter បើប្រើបានត្រឹមត្រូវ អាចបង្កើតរូបភាពឡូយកប់

2018-01-04 03:06:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើ Lens filters អាចកែប្រែទិដ្ឋភាពបានទាំងស្រុង បង្កជាលក្ខណៈច្នៃប្រឌិតមួយប្រើជាមួយនឹងឧបករណ៍អ្នកមាន។ ក្នុងចំណោម Filter ជាច្រើន Circular polarizing filter (CPL) បង្កលក្ខណៈច្នៃប្រឌិតដល់រូបភាពបានល្អជាង។ CPL ល្អសម្រាប់ការថតរូបទេសភាពដែលអាចផ្ដិតបានរូបភាពមានលក្ខណៈរស់រវើក។

CPL ជួយដល់ពណ៌មេឃ

ពេលថតទិដ្ឋភាពទីក្រុងពណ៌មេឃមិនបង្ហាញក្នុងកាមេរ៉ាបានត្រឹមត្រូវដូចអ្នកឃើញនឹងភ្នែកផ្ទាល់នោះទេ។ ដោយការប្រើ CPL លើ Lens ពណ៌មេឃបង្ហាញបានល្អ ហើយអ្នកអាចបង្វិលមុំ CPL filter ដើម្បីបន្ថែម ឬបន្ថយឥទ្ធិពល Polarization បង្កដោយព្រះអាទិត្យបាន។

សម្រាប់រូបនេះ ពណ៌មេឃភ្លឺពេក តែក្រោយប្រើ Manfrotto CPL filter លើ Canon 24-70 f/2.8 lens ពណ៌មេឃ និងពពកបង្ហាញបានល្អ។

CPL Filter កាត់បន្ថយ Reflection (ចំណាំងពន្លឺពីអ្វីមួយ)

ពេលថតអាគារកញ្ចក់ ឬទេសភាពជាមួយនឹងផ្ទៃទឹក អាចមានចំណាំងប្លាតបង្កដោយពន្លឺព្រះអាទិត្យ ដូច្នេះអ្នកអាចប្រើ CPL filter ក្នុងការកាត់បន្ថយឥទ្ធិពលចំណាំងនោះ ហើយបង្វិល Filter ទៅមុំណាមួយតាមការគួរ។

របៀបប្រើឥទ្ធិពល Polarization ធំបំផុត

ឥទ្ធិពល Polarization ធំបំផុតកើតឡើងនៅមុំ ៩០ដឺក្រេ ពន្លឺព្រះអាទិត្យរំកិលចូលចំនុចកណ្តាល ដែលមានន័យថាប្រសិនបើព្រះអាទិត្យនៅពីលើ អ្នកនឹងទទួលបានមេឃភ្លឺ ប្រសិនបើថតនៅមុំ ៩០ដឺក្រេពីព្រះអាទិត្យ។

ដើម្បីទទួលបានប្រយោជន៍ធំបំផុតនៃ CPL filter អ្នកអាចប្រើ មេដៃ និងចង្អុលដៃ ជារៀងអក្សរ L ដោយតម្រង់មេដៃទៅកាន់ព្រះអាទិត្យ ហើយចង្អុលដៃតម្រង់ទៅមុំអ្នកទទួលបានមេឃភ្លឺស្មើល្អ និងទទួលបានប្រយោជន៍ធំបំផុតនៃ CPL filter។ បើមិនដូច្នោះទេ មេឃភ្លឺមិនស្មើល្អនឹងបង្កផលពិបាកពេលកាត់ត។

អ្វីគួរពិចារណាពេលប្រើ CPL Filter

១. កាត់បន្ថយពន្លឺ

ពេលអ្នកដាក់ CPL filter លើ Lens កាមេរ៉ា វានឹងកាត់បន្ថយចំនួនពន្លឺប្រហែលពី 1-2 stops។ នេះមានន័យថាប្រសិនបើអ្នកថតប្រើ Shutter speed 1/1000th, Aperture f/16 និង ISO ១០០ ក្រោយប្រើ CPL filter លក្ខណៈ Exposure នឹងបន្ថយប្រហែល 2-stops ដូច្នេះដើម្បីឲ្យចំនួនពន្លឺ 2-stops មានវិញអ្នកអាចមានជម្រើសដូចជា៖

បន្ថយ Shutter speed ពី 1/1000th ទៅ 1/250th
ប្តូរប្រើ Aperture ពី f/16 ទៅ f/8
បង្កើន ISO ពី ១០០ ទៅ ៤០០

២. ជៀសវាងប្រើ Wide-angle lens

ការប្រើ Wide-angle lens ផ្តល់លទ្ធផលពណ៌មេឃមិនស្មើគ្នា ឬប្រែពណ៌។ នេះមិនមែនជាកំហុសរបស់ CPL filter នោះទេ ដោយសារ Focal length ធំជាង ហើយគ្របដណ្តប់មេឃច្រើន ដោយឥទ្ធិពល Polarization ធំបំផុតគឺ ៩០ដឺក្រេ។ Wide angle lens គ្របដណ្ដប់តំបន់មេឃច្រើន ជាលទ្ធផលមានលក្ខណៈប្រែពណ៌។ ដូច្នេះជាការល្អ ពេលប្រើ CPL filter ជៀសវាងប្រើ Lens ធំជាង 24mm។

៣. កុំប្រើ Polarization ដឺក្រេធំបំផុត

ជាធម្មតា អ្នកប្រហែលប្រើតម្លៃ និងដឺក្រេធំបំផុត ពេលប្រើ Lens មាន Aperture f/1.8 ឬ f/1.4 ហើយអ្នកបង្វិល CPL filter ៣៦០ដឺក្រេ ដើម្បីត្រួតពិនិត្យពណ៌បន្ថែម ឬបន្ថយលើទិដ្ឋភាព។ ពេលខ្លះការប្រើ CPL filter ដឺក្រេធំបំផុតអាចធ្វើឲ្យប្រែពណ៌ ជាពិសេសពេលប្រើជាមួយ Wide-angle lens៕