កាក់កបម្ល៉េះ! ទើបឡើងផ្ទះថ្មីៗសោះ សូរ្យ អេណា ទិញផ្ទះថែម១ទៀត

2018-01-04 07:44:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ទើបតែធ្វើពិធីឡើងផ្ទះថ្មីមិនបាន១ខែស្រួលបួលផង កញ្ញា សូរ្យ អេណា នាយិកាគ្រប់គ្រងក្រុមហ៊ុន "តារារះថ្មីកម្ពុជា" នៅថ្ងៃនេះ បង្ហាញផ្ទះថ្មី១បន្ថែមទៀត ដែលនាងទើបនឹងទិញ។

ផ្ទះថ្មីនោះ សូរ្យ អេណា មិនបានប្រាប់ពីទីតាំង និងតម្លៃឡើយ ប៉ុន្តែនាងប្រាប់ថា មិនស្ថិតនៅក្នុងបុរីដែលនាងកំពុងនៅបច្ចុប្បន្នឡើយ។ " មិនមែននៅជីបម៉ុង ទេបង ខ្ញុំសូមលាក់សិន ហើយតម្លៃក៏អត់ប្រាប់ដែរ"។ សូរ្យ អេណា ថ្លែង។

តារាស្រីរូបនេះ បានបន្តឲ្យដឹងថា ផ្ទះនេះ ប្រហែល១ឆ្នាំ ទៅ១ឆ្នាំជាងទៀតបាន អាចសាងសង់រួចរាល់ ដោយក្នុងនោះនាងទិញ គឺបងជាដំណាក់កាល មិនមែនបង់ផ្ដាច់នោះទេ។

កាលផ្ទះនៅបុរី ជីបម៉ុង ដែលនាងទើបធ្វើពីធីឡើងចូលនៅនោះ សូរ្យ អេណា ប្រាប់ថា ខ្លួនបានទិញក្នុងតម្លៃ ៩១ ៨០០ ដុល្លារ ដោយទិញតាំងពីមិនទាន់បុកគ្រឹះមកម្ល៉េះ ដោយបច្ចុប្បន្នផ្ទះនោះឡើងថ្លៃជាង១០ម៉ឺនហើយ។

តើនរណាជាអ្នកនៅពីក្រោយខ្នង នៃការទិញផ្ទះទាំង២នេះ សូរ្យ អេណា បានបញ្ជាក់ប្រាប់ថា អត់មានអ្នកណាជាអ្នកនៅពីក្រោយខ្នងឡើយ គឺជាប្រាក់របស់នាងសុទ្ធសាធ ហើយការទិញច្រើនកន្លែងបែបនេះ គឺនាងមានបំណងលក់ចេញវិញ នៅពេលដែលចំណេញបានច្រើន៕

អត្ថបទៈ ស៊ុនហួត