តួអង្គ Kitty ពីក្នុងរឿង "X-Men” ចូលរោងការជាមួយមិត្តស្រីហើយ

2018-01-04 12:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Ellen Page ដែលត្រូវទស្សនិកជនស្គាល់ថាសម្ដែងជាតួអង្គ Kitty Pryde ក្នុងសែស្រឡាយរឿង "X-Men” ពេលនេះបានចូលរោងការជាមួយមិត្តស្រី Emma Portner ហើយ។

តួអង្គ Kitty Pryde សម្ដែងដោយ Ellen Page

គូស្នេហ៍មួយគូនេះបានបញ្ជាក់ពី ចំណងអាពាហ៍ពិពាហ៍ពួកគេដោយបានបង្ហោះរូបថត៤សន្លឹកនៅលើបណ្ដាញសង្គម Instagram ព្រមទាំងបញ្ជាក់ទៅកាន់ទស្សនាវដ្ដី People ពីអ្នកតំណាងរបស់ Ellen Page ផងដែរ។

Ellen បានសរសេរថា៖ "ស្ទើរតែមិនជឿថា ខ្ញុំអាចហៅស្រីម្នាក់នេះថាជាប្រពន្ធរបស់ខ្ញុំ។" ចំណែកឯ គូស្នេហ៍នាងគឺ Emma ក៏បានសរសេរដូច្នេះដែរថា៖ "ខ្ញុំអាចហៅនារីដ៏ពូកែម្នាក់នេះថាជាប្រពន្ធរបស់ខ្ញុំ @ellenpage ខ្ញុំស្រលាញ់អ្នក!” នៅលើបណ្ដាញសង្គម Instagram របស់នាងដែលបានបង្ហោះរូបថតដូចគ្នា។

បើតាមទស្សនាវដ្ដី People បានឲ្យដឹងថាអ្នកទាំងពីរបានចាប់ផ្ដើមទាក់ទងគ្នាកាលពីរដូវក្ដៅ ហើយ Emma គឺជាគ្រូបង្រៀនរាំនៅ "Broadway Dance Center” មានទីតាំងនៅទីក្រុង New York សហរដ្ឋអាមេរិក៕

អានអត្ថបទ៖

ប្រភព៖ Elle ប្រែសម្រួល៖ ធារ៉ូ