តាម​ពិត Brad Pitt ប្រើ​ឈ្មោះ​នេះ​ពេល​ញ៉ែ​ស្រី​ម្ដងៗ

  • 2018-01-04 23:30:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


កំពូល​តារា​សម្ដែង​ជើង​ចាស់ Brad Pitt ប្រើ​ឈ្មោះ​ពិត​ប្រាកដ​របស់​លោក​ ពេល​ទាក់​ទង​ស្រី​ស្អាតៗ​។ បើ​តាម​សារព័ត៌មាន​ Page Six បាន​ឲ្យ​ដឹង​ថា Brad ប្រើ​ឈ្មោះ​ពិត​លោក​គឺ "William” ពេល​ណែ​នាំ​ខ្លួន​ទៅ​កាន់​ស្រី​ម្នាក់​នៅ​ហាង​កាហ្វេ​ នៅ​ទីក្រុង Los Angeles។

តារា​សម្ដែង Brad Pitt

“Brad Pitt មក​ដល់​ទី​នេះ​ដោយ​ជិះ​ម៉ូតូ​ ពាក់​វ៉ែនតា​ការ​ពារ​កម្ដៅ​​ ព្រម​ស្លៀក​ខោ​ខោវប៊យ​និង​អាវ​ស្បែក" ប្រភព​មួយ​បាន​ប្រាប់​ដូច្នេះ។ តារា​រូប​នេះ​បាន​ជួប​និយាយ​ជាមួយ​នារី​ម្នាក់​សក់​ពណ៌​មាស (Blonde) បើ​សិន​ជា​មើល​ពី​ចម្ងាយ​នាង​មាន​រូប​រាង​ស្រដៀង​នឹង​តារា​សម្ដែង​ម្នាក់​ឈ្មោះ Kate Bosworth ប៉ុន្តែ​មិន​មែន​ជា​នាង​ទេ​។ ប្រភព​នោះ​បន្ត។

បន្ទាប់មក​នារី​ម្នាក់​នោះ​បាន​និយាយ​ថា​៖​ "ខ្ញុំ​ឈ្មោះ Lydia” ខណៈ​ពេល​ដែល​​ Brad Pitt បាន​បោះ​ដៃ​ទៅ​កាន់​នាង​និង​និយាយ​ថា​៖​ "សួស្ដី​! ខ្ញុំ​ឈ្មោះ William”។ ភ្លាម​នោះ​នាង​ក៏​បាន​ឆ្លើយ​តប​ថា៖​ "អូហ៍! មុខ​មាត់​លោក​មើល​ទៅ​សម​តែ​ឈ្មោះ​ Bradley” រួច​ Brad ឆ្លើយ​តប​ថា៖ " នេះ​​គឺ​ជា​ឈ្មោះ​កណ្ដាល​របស់​ខ្ញុំ (Middle Name) ហើយ​ក៏​ញាក់​ភ្នែក​ដាក់​នាង"។

Lydia រំភើប​ជា​ខ្លាំង​ហើយ​ក៏​និយាយ​ថា៖ "រីករាយ​ណាស់​ដែល​បាន​ជួប​អ្នក Bradley... ខ្ញុំ​ចង់​មាន​ន័យ​ថា William។" Brad សើច​បន្តិច​ហើយ​ក៏​ជិះ​ម៉ូតូ​ចេញ​ទៅ​៕

អាន​អត្ថបទ៖

ប្រភព៖ pagesix   ប្រែ​សម្រួល៖ ធារ៉ូ