Angelina Jolie និង Brad Pitt ផ្អាកបណ្ដឹងលែងលះជាផ្លូវការ?

2017-08-10 09:58:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងទៅតាមប្រភពមួយបានឲ្យដឹងថា អ្នកទាំងពីរបានផ្អាកបណ្ដឹងលែងលះគ្នាជាផ្លូវការបន្ទាប់ពី Brad Pitt បានបញ្ជាក់ថាខ្លួនឈប់ផឹកស្រានៅក្នុងកិច្ចសម្ភាសន៍ជាមួយទស្សនាវដ្ដី GQ។

Angelina, Brad Pitt និងកូនៗ

តារាសម្ដែង Angelina បានដាក់ពាក្យបណ្ដឹងលែងលះកាលពីខែកញ្ញាឆ្នាំ២០១៦ ដោយសារតែ Brad Pitt ស្រវឹងនឹងធ្វើបាបកូនប្រុសខ្លួន Maddox ពេលជិះយន្តហោះទៅកាន់ទីក្រុង Los Angeless ដែលបណ្ដាលមកពីស្រវឹងស្រា។ បន្ទាប់ពីបែកបាក់គ្នា Angelina បានទទួលសិទ្ធមើលថែកូនៗទាំង៦នាក់ ហើយព្រមទាំងរើឥវ៉ាន់ចេញពីផ្ទះដែលពូកគេធ្លាប់រស់នៅជាមួយគ្នា។

Brad Pitt នៅលើក្របទស្សនាវដ្ដី GQ

ប៉ុន្តែថ្មីៗនេះមានព័ត៌មានរាយការណ៍ថាអ្នកទាំងពីរបានផ្អាកលើសំណុំរឿងលែងលះ បន្ទាប់ពីលោក Brad Pitt បានចូលរួមក្នុងកិច្ចសម្ភាសន៍មួយជាមួយនឹងទស្សនាវដ្ដី GQ ដែលលោកបានបរិយាយអំពីការបញ្ឈប់ផឹកស្រានិងចាប់ផ្ដើមទាក់ទងនឹងអ្នកផ្ដល់ប្រឹក្សាផ្នែកចិត្តសាស្ត្រ។

មិត្តភ័ក្ដិដ៏ជិតស្និទ្ធរបស់ Angelina បានប្រាប់ទស្សនាវដ្ដី US Weekly ថាពួកគេបានសម្រេចចិត្តបញ្ឈប់បណ្ដឹងលែងលះដើម្បីកូនទាំង៦របស់ខ្លួនគឺ Maddox វ័យ១៥ឆ្នា Pax វ័យ ១៣ឆ្នាំ Shilo វ័យ ១១ឆ្នាំ Zahara វ័យ ១២ ឆ្នាំ និង កូនភ្លោះ Vivienne និង Know វ័យ ៩ ឆ្នាំ បន្ទាប់ពី Brad Pitt បានបញ្ឈប់ការផឹកស្រាអស់រយៈពេលជិត១១ខែ។

ប្រភពនោះបានបន្តទៀតថា ការលែងលះនេះត្រូវបានបញ្ឈប់ហើយ ដោយសារពួកគេទាំងពីរមិនបានធ្វើអ្វីបន្តក្នុងរយៈពេល៣ ៤ ខែទៅហើយ ម្យ៉ាងទៀតគ្មានអ្នកណាម្នាក់គិតថាពួកគេនឹងបណ្ដឹងលែងលះនោះដែរ។

ក៏ប៉ុន្តែសម្រាប់ពេលនេះទោះបីជាអ្នកទាំងពីរបានផ្អាកប្ដឹងទាំងសងខាងក៏ដោយ ក៏មិនប្រាកដថាអ្នកទាំងពីរនឹងត្រលប់មករស់នៅជាមួយគ្នាឆាប់ៗនេះដែរ។

តារាទាំងពីររូបនេះកំពុងតែត្រូវអ្នកកាសែតជាច្រើនព្យាយាមទាក់ទង ដើម្បីបញ្ជាក់ពីរឿងរ៉ាវជុំវិញបញ្ហានេះ៕