Angelina Jolie ត្រូវគ្នាជាមួយឪពុកវិញ តាមរយៈការជួយពី Brad Pitt?

2017-05-13 08:18:08
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាហូលីវូដ Angelina Jolie បានចុះសម្រុងជាមួយឪពុកដែលនាងធ្លាប់មានបញ្ហាជាមួយវិញហើយ ដោយបានជួបជុំញ៉ាំអាហារពេលល្ងាចជុំគ្នាដ៏រីករាយ។

អ្នកម្ដាយកូន ៦នាក់ Angelina Jolie ត្រូវបានឃើញថាមានវត្តមានជាមួយឪពុករបស់នាង លោក Jon Voight នៅទីក្រុង Beverly Hills កាលពីថ្ងៃពុធកន្លងទៅថ្មីៗនេះ។ តាមវិបសាយព័ត៌មាន Daily Mail បានបង្ហាញថា បើទោះបី ស្នេហាប្ដីប្រពន្ធរបស់កំពូលតារាហូលីវូដ Brad Pitt និង Angelina Jolie មិនអាចផ្សះផ្សាគ្នាបានដូចដើម ប៉ុន្តែ Brad បានជួយច្រើនក្នុងការធ្វើឲ្យទំនាក់ទំនងឪពុកកូន របស់អតីតភរិយារបស់លោក បានមកត្រូវគ្នាវិញ។

ការជួបជុំជាលក្ខណៈគ្រួសារនេះ ក្រៅពីលោក Jon Voight និង Angelina Jolie ក៏ឃើញមានការចូលរួមពីកូនៗរបស់ Jolie ៤នាក់ទៀតដែរដូចជា៖ Pax, Zahara, Vivienne និង Knox ។ អាចនិយាយបានថាជាពេលវេលាដ៏កម្រមួយ ដែលលោកតា ដែលជាតារាសម្ដែងវ័យ ៧៨ឆ្នាំរូបនេះ មានឱកាសបានជួបចៅៗរបស់លោក។

ចាំបានថា តារាសម្ដែងជើងចាស់រូបនេះបានរៀបការជាមួយ តារាសម្ដែងដូចគ្នា លោកស្រី Marcheline Bertrand ក្នុងឆ្នាំ ១៩៧១ ហើយបានចែកផ្លូវគ្នានៅពេល កូនស្រី Angelina Jolie ទើបនៅជាទារកម្ល៉េះ និងបានលែងលះដាច់ស្រេចនៅឆ្នាំ ១៩៨០។ ថ្វីត្បិតតែជាឪពុកកូន ប៉ុន្តែពួកគេមិនសូវស្និទ្ធស្នាល ហើយក៏ធ្លាប់មានរឿងមិនសប្បាយចិត្តនឹងគ្នារយៈកន្លងមកដែរ៕

ចុចអាន៖ Angelina គិតចង់ជួបជុំជាប្ដីប្រពន្ធវិញ បន្ទាប់ពី Brad Pitt សារភាពកំហុស?

ប្រភព៖ Dailymail ប្រែសម្រួល៖ យី សុធារី