បែកធ្លាយការពិត កូរ៉េខាងជើង ធ្លាប់បាញ់មីស៊ីលចំទីក្រុងខ្លួនឯង

2018-01-05 03:13:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ការធ្វើតេស្តមីស៊ីលមួយកាលពីឆ្នាំមុនរបស់ប្រទេសកូរ៉េខាងជើង បានធ្លាក់ចំទីក្រុងរបស់ខ្លួនមួយ ដែលស្ថិតនៅមិនឆ្ងាយប៉ុន្មានពីទីក្រុងព្យុងយ៉ាងឡើយ។ នេះបើយោងតាមការរកឃើញថ្មីដោយទស្សនាវដ្តីព័ត៌មាន The Diplomat។

កាលពីខែមេសា កន្លងទៅនេះ ទីក្រុងព្យុងយ៉ាង បានបាញ់មីស៊ីល Hwasong-12 កម្រិតមធ្យមមួយគ្រឿង តែបានបរាជ័យក្នុងរយៈពេលខ្លីមួយ បន្ទាប់ពីការបាញ់នោះ និងបានធ្លាក់ចំទីក្រុង Tokchon ដែលស្ថិតនៅចម្ងាយប្រហែល ១៤៥គីឡូម៉ែត្រប៉ុណ្ណោះ ពីទីក្រុងព្យុងយ៉ាង។ នេះបើយោងតាមការរាយការណ៍របស់ The Diplomat កាលពីថ្ងៃពុធ។

ការបរាជ័យរបស់មីស៊ីល Hwasong-12 ត្រូវបានរាយការណ៍យ៉ាងទូលំទូលាយនៅពេលនោះ តែគេមិនបានដឹងឡើយថា វាបានធ្លាក់ចំតំបន់ដែលមានប្រជាជនរស់នៅ។ អគារលំនៅឋាន និងអគារពាណិជ្ជកម្មជាច្រើនខ្នង ទំនងជាទទួលរងការផ្ទុះដ៏ធំមួយ ប៉ុន្តែ The Diplomat បានឲ្យដឹងថា វាមិនអាចទៅរួចទេក្នុងការកំណត់ថាតើមានអ្នកស្លាប់ឬអត់៕