បាត់ខ្លួនមួយរយៈធំ ទីបំផុតដឹងកន្លែងលោកស្រី យីងឡាក់ កំពុងនៅហើយ!

2018-01-06 08:42:08
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតនាយករដ្ឋមន្ត្រីថៃ លោកស្រី យីងឡាក់ (Yingluck Shinawatra) ដែលបានរត់គេចខ្លួនចេញពីប្រទេសថៃ ពេលនេះត្រូវបានគេប្រទះឃើញនៅក្នុងទីក្រុង London ប្រទេសអង់គ្លេស កាលពីថ្ងៃព្រហស្បតិ៍។

លោកស្រី យីងឡាក់ ថតជាមួយអ្នកទេសចរ នៅក្នុងទីក្រុង London កាលពីថ្ងៃព្រហស្បតិ៍

គួររំលឹកឲ្យដឹងថា លោកស្រី យីងឡាក់ បានភៀសខ្លួនចេញពីប្រទេសកំណើតអស់រយៈពេល ៥ខែមកហើយ បន្ទាប់ពីទទួលរងការចោទប្រកាន់ពីបទ **ពុករលួយ**។

មនុស្សជាច្រើនចង់ដឹងពីទីកន្លែងដែលអតីតនាយករដ្ឋមន្ត្រី វ័យ៥០ឆ្នាំរូបនេះលាក់ខ្លួនណាស់ ចាប់តាំងពីពេលដែលលោកស្រីមិនបង្ហាញខ្លួននៅតុលាការកំពូល ក្នុងការជំនុំជម្រះក្ដីកាលពីចុងខែសីហា ឆ្នាំ២០១៧ មកម្ល៉េះ។ នៅពេលនោះ គេបានដឹងថាលោកស្រីបានគេចខ្លួនតាមរយៈប្រទេសកម្ពុជា ទៅកាន់ប្រទេសឌូបៃ រួចបន្តដំណើរទៅកាន់ចក្រភពអង់គ្លេស។

យ៉ាងណាមិញ រូបថតដែលបានថតកាលពីថ្ងៃព្រហស្បតិ៍មួយសន្លឹកនោះ បានបង្ហាញថា លោកស្រី យីងឡាក់ ឈរថតរូបទាំងញញឹមនៅក្រៅហាង Harrods ក្នុងទីក្រុង London ប្រទេសអង់គ្លេស។ វាត្រូវបានបង្ហោះ និងចែកចាយនៅលើបណ្ដាញសង្គម បន្ទាប់ពីអ្នកទេសចរម្នាក់ចំណាំលោកស្រីបាន។

រូបថតថ្មីនោះបានកើតឡើងរយៈពេល ១១ថ្ងៃ បន្ទាប់ពីមានការអះអាងថាបានឃើញលោកស្រី យីងឡាក់ នៅផ្សារទំនើប Westfield នៅតំបន់ Shepherd's Bush ក្នុងទីក្រុង London កាលពីថ្ងៃទី២៦ ខែធ្នូ កន្លងទៅនេះ៕