ជាពីរបួសភ្លាម Bale រកបានពីរគ្រាប់ភ្លែត តែមិនអាចឈ្នះ Celta ដដែល
- 2018-01-08 02:10:35
- ចំនួនមតិ 0 | ចំនួនចែករំលែក 0
ជាពីរបួសភ្លាម Bale រកបានពីរគ្រាប់ភ្លែត តែមិនអាចឈ្នះ Celta ដដែល
ចន្លោះមិនឃើញ
បង្ហាញខ្លួនយប់មិញឲ្យ Real Madrid នៅ La liga ភ្លាមខ្សែប្រយុទ្ធជម្រើសជាតិវេល Gareth Bale ទាត់ចូលបានពីរគ្រាប់ ក្រោយសម្រាកព្យាបាលរបួសកាលពីកញ្ញា ឆ្នាំ២០១៧ តែលទ្ធផលបានត្រឹមស្មើម្ចាស់ផ្ទះ Celta Vigo ២-២។
គ្រាប់បាល់ដំបូងម្ចាស់ផ្ទះជាអ្នករកបានមុន ដែលអតីតខ្សែប្រយុទ្ធ Liverpool, Iago Aspas បានបបញ្ជូនបាល់ឲ្យកីឡាករ Daniel Wass រកបានមួយគ្រាប់នៅនាទីទី៣៣។ ក្រោយមកបានតែ៣នាទីប៉ុណ្ណោះ Bale ទទួលបាល់ពី Toni Kroos នាទីទី៣៦ រកបានមួយគ្រាប់ និងគ្រាប់ទី២ នាទីទី៣៨ ដែលគ្រាប់ទី២នេះទទួលបាល់ពី Isco។ ចប់វគ្គទី១ ក្រុមភ្ញៀវ Real នាំមុខ ២-១។
ប៉ុន្តែចូលដល់វគ្គទី២ នាទីទី៨២ Maxi Gomez របស់ម្ចាស់ផ្ទះរកបានគ្រាប់បាល់តាមស្មើ ២-២ បើទោះ Iago Aspas បានធ្វើឲ្យខកខានទាត់បាល់ប៉េណាល់ទីមិនបានសម្រេចនៅនាទីទី៧២ ក៏ដោយ។ ចប់ការប្រកួតក្រុមទាំងពីរស្មើគ្នា ២-២។
ចំណែក Barcelona វិញលត់ក្រុមខ្សោយ Levante ៣-០ ដែល៣គ្រាប់របស់ពួកគេរកបានដោយ Messi នាទីទី១២ L.Suarez នាទីទី៣៨ និងខ្សែបម្រើប្រេស៊ីល Paulinho នាទីទី៩០+៣៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
