ដើម្បីសង្គ្រោះអាយុជីវិតកុមារកម្ពុជា ឆ្នាំ២០១៧ ពេទ្យគន្ធបុប្ផាចំណាយថវិកាជាង ៤០លានដុល្លារ

2018-01-08 08:37:38
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅឆ្នាំ ២០១៧ កន្លងមកនេះមន្ទីរពេទ្យគន្ធបុប្ផា ដែលត្រូវបានចាត់ទុកជាមន្ទីរពេទ្យកុមារឈានមុខមួយនៅកម្ពុជាបានចំណាយថវិកាជាង ៤០ លានដុល្លារអាមេរិក ដើម្បីព្យាបាលក៏ដូចជាសង្រ្គោះអាយុជីវិតកុមារកម្ពុជា។

សូមចុចអាន៖ ត្រឹមតែ១ថ្ងៃនៃបុណ្យសកល មន្ទីរពេទ្យគន្ធបុប្ផាសង្គ្រោះជីវិតកុមារក្រីក្រស្ទើរមិនជឿ

លោកវេជ្ជបណ្ឌិត ឡូរ៉ង ដីនីស នាយកប្រតិបត្តិមន្ទីរពេទ្យប្រចាំមន្ទីរពេទ្យគន្ធបុប្ផាបានថ្លែងថា ចំនួននេះបើប្រៀបធៀបនឹងឆ្នាំ ២០១៦ មានប្រហាក់ប្រហែលគ្នា បើទោះជាចំនួនកុមារមកព្យាបាលនៅមន្ទីរពេទ្យមានកើនការកើនឡើងជាងឆ្នាំ២០១៦ក្តី ព្រោះយើងប្រយ័ត្នប្រយែងទៅលើខ្ទង់ចំណាយ ប៉ុន្តែការព្យាបាលគឺនៅរក្សាបទដ្ឋាន និងស្តង់ដាដដែល។

សូមចុចអាន៖ ស្ត្រីមានផ្ទៃពោះក្អួតច្រើន រូបមន្តនេះ អាចជួយអ្នកបាន

លោកថា ថវិកាជាង ៤០លានដុល្លារមានការចូលរួមចំណែកពីរាជរដ្ឋាភិបាលកម្ពុជាប្រមាណ ១១ លានដុល្លារអាមេរិក ក្នុងនោះរាប់បញ្ចូលទាំងការផ្ដល់ជូនពីគ្រឹះស្ថានអង្គរតាមរយៈការបរិច្ចាគ ២ដុល្លារ សម្រាប់ភ្ញៀវ ទេសចរណ៍ម្នាក់ចូលទស្សនាអង្គរវត្ត ១ លានដុល្លារពីកាកបាទក្រហមកម្ពុជា ការចូលរួមរបស់ សប្បុរសជនក្នុងស្រុកគ្រប់ស្រទាប់វណ្ណៈមានប្រមាណ ៣ លាន ៦ សែនដុល្លារអាមេរិក រដ្ឋាភិបាលស្វីសចំនួន ៤លានដុល្លារក្នុងមួយឆ្នាំ និងមូលនិធិពីប្រទេសស្វីស។

លោកបានបន្ថែមថា ការផ្តល់ជូននូវមូលនិធិនេះបង្ហាញឱ្យឃើញថា រដ្ឋាភិបាលស្វីស និងប្រជាជនស្វីសនៅតែគាំទ្រ ក៏ដូចជាយកចិត្តទុកដាក់ចំពោះសកម្មភាពរបស់មន្ទីរពេទ្យគន្ធបុប្ផាក្នុងការជួយសង្រ្គោះអាយុវជីវិតកុមារកម្ពុជា។ មូលនិធិពីប្រទេសស្វីស ទោះបីជាអវត្តមាន លោកវេជ្ជបណ្ឌិត Beat Richner កៀរគរថវិកាក៏ពិតមែន ប៉ុន្តែមិនមានសញ្ញាណាមួយថមថយនោះទេ។ ជាក់ស្តែងនៅឆ្នាំ ២០១៨ នេះ យើងទទួលបានថវិការង្វង់ ២៧ លានដុល្លារទៅ ៣០ លានដុល្លារ ដើម្បីប្រតិបត្តិការព្យាបាល និងសង្រ្គោះអាយុជីវិតកុមារតូចនៅកម្ពុជា។

មូលនិធិគន្ធបុប្ផា នៃមន្ទីរពេទ្យគន្ធបុប្ផាភ្នំពេញ និងសៀមរាប នៅឆ្នាំ២០១៧ កន្លងមកបាន ព្យាបាលជំងឺកុមារ ជាង៩០ម៉ឺននាក់ និងស្ត្រីមានផ្ទៃពោះជាង១០ម៉ឺននាក់ បានមកពិនិត្យ និងព្យាបាល។ នេះបើតាមលោក វេជ្ជបណ្ឌិត ឡូរ៉ង ដីនីស។

លោកបានឱ្យដឹងទៀតថា មន្ទីរពេទ្យគន្ធបុប្ផាភ្នំពេញ និងជ័យវរ្ម័នទី៧(គន្ធបុប្ផាទី៣) គឺមានកុមារមានជំងឺចំនួន៩០៩.១៩២នាក់ ត្រូវបានពិនិត្យព្យាបាលនៅក្នុងផ្នែកពិគ្រោះជំងឺក្រៅ ពោល គឺមានការកើនឡើង ៧ភាគរយ ច្រើនជាងក្នុងឆ្នាំ ២០១៦ ចំនួន ៨៤៨.៣៩៣នាក់។

កុមារមានជំងឺធ្ងន់ធ្ងរចំនួន ១៧២.៤៧០នាក់ ត្រូវបានពិនិត្យដាក់ឲ្យសម្រាកព្យាបាលនៅក្នុងមន្ទីរពេទ្យ គឺកើនឡើង១១ភាគរយ ច្រើនជាងក្នុងឆ្នាំ ២០១៦ ចំនួន ១៥៥.៣៣៨នាក់។ មានការវះកាត់ចំនួន ២៦ ៤៤២នាក់ កើនឡើង៨,៦ភាគរយ ច្រើនជាងក្នុងឆ្នាំ២០១៦ ចំនួន ២៤ ៣៤៨នាក់។ ការវះកាត់បេះដូង និងភ្ជិតប្រហោងបេះដូងតាមសរសៃឈាមកាតេទែរ បានចំនួន៤១៣នាក់។

សូមចុចអាន៖ បញ្ហាក្លិនមាត់អាចដោះស្រាយបាន បើដឹងវិធីនេះ

នៅមន្ទីរសម្ភពជ័យវរ្ម័នទី៧ (មន្ទីរពេទ្យគន្ធបុប្ផាទី៣ ) ក្នុងខេត្តសៀមរាបអង្គរ គឺស្ត្រីមានផ្ទៃពោះចំនួន១៥៤ ៧១៦នាក់ ត្រូវបានពិនិត្យ និងព្យាបាល នៅក្នុងផ្នែកពិគ្រោះជំងឺក្រៅ នៃមន្ទីរពសម្ភព គឺកើនឡើង ៦,៦ភាគរយច្រើនជាងក្នុងឆ្នាំ ២០១៦ ចំនួន ១៤៥ ០៨០នាក់។ សម្រាកកូនបានចំនួន ២៥ ៣៥៧នាក់ កើនឡើង ៧,២ភាគរយច្រើនជាងឆ្នាំ ២០១៦ ចំនួន ២៣ ៦៤៣នាក់ និងសម្រាលដោយវះកាត់មានចំនួន ៣ ០០៥នាក់។

លោកវេជ្ជបណ្ឌិត ឡូរ៉ង ដីនីស បានអរគុណដល់រាជរដ្ឋាភិបាលកម្ពុជា ដែលបានចូលរួមចំណែកបង្កើនថវិកាទ្រទ្រង់មន្ទីរពេទ្យយ៉ាងធំធេង និងរដ្ឋាភិបាលស្វីស និងសប្បុរសជនស្វីស ដែលបន្តចូលរួមចំណែកថវិកា និងបរិច្ចាគថវិកាដល់មន្ទីរពេទ្យគន្ធបុប្ផា

អត្ថបទ៖ សុផល

រូបថត៖ ទូរសព្ទដៃ