កែវ រំចង់ ថាឡើងសង្វៀន ៤-៥ ប្រកួតទៀត សមត្ថភាពនឹងដូចដើមវិញហើយ

2018-01-10 02:35:29
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំង និងជាអ្នកប្រដាល់ជួរមុខរបស់កម្ពុជា កែវ រំចង់ ថា ឡើងសង្វៀនប្រហែល ៤-៥ ប្រកួតទៀតនោះ សមត្ថភាពអាចនឹងដូចដើមវិញដោយការប្រឹងប្រែងជាប្រចាំ។

កីឡាករ កែវ រំចង់

កែវ រំចង់ បានឲ្យដឹងថា ការប្រកួតលើកដំបូងប៉ុន្មានសប្ដាហ៍មុននេះ ទាំងសមត្ថភាពនិងភាពរហ័សរហួននៅមិនទាន់បានល្អដូចមុនទេ អាចថាប្រើពេល ៤-៥ ប្រកួតទៀតរួមផ្សំនិងការព្យាយាមជាប្រចាំទៀតនោះវានឹងប្រសើរជាងនេះ។

កីឡាករ កែវ រំចង់(ក្រហម)

អ្នកមកពីបាត់ដំបងខាងលើបន្តថា វ៉ៃទម្ងន់ ៧៥គីឡូក្រាម វាធំ និងពិបាកណាស់ ហើយសុខភាពក៏មិនសូវល្អទៀត ដែលខុសពីមុនវ៉ៃត្រឹម៧០គីឡូក្រាមស្រួលជាងនេះ។ ឥលូវអ្នកប្រដាល់រូបនេះនៅតែព្យាយាមសម្រក់និងហ្វឹកហាត់ជាប់លាប់ប្រចាំថ្ងៃតែម្ដង ដូចនេះហើយមិនយូរទេសមត្ថភាពប្រកួតអាចនឹងល្អដូចនេះវិញ។

កីឡាករ កែវ រំចង់

កែវ រំចង់ ជាកីឡាករល្បីឈ្មោះរបស់កម្ពុជាដែលធ្លាប់ឆ្លងកាត់សង្វៀនទាំងស្រុក ក្រៅស្រុកស្ទើររាប់ភ្លេចមកហើយ។ កីឡាកររូបនេះទើបតែវិលចូលសង្វៀនបាន១ប្រកួតនោះទេ ក្រោយមានរបួសដួលម៉ូតូអាក់ខានឡើងបង្ហាញមុខអស់រយៈពេលជាង១កន្លងទៅ ហើយគេនឹងត្រូវប្រកួតលើកទី២ចុងខែមករានេះ៕

អត្ថបទ៖ នួន ស៊ីណា