Boeing បង្កើតបានសម្រេច Drone ដឹកទំនិញខ្នាតយក្ស

2018-01-12 04:26:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Boeing បានប្រកាសចេញផ្សាយនូវ Drone អាចផ្ទុកទំនិញដល់ទម្ងន់ ២២៥ គ.ក ដែលជាផ្នែកមួយនៃការអភិវឌ្ឍយន្តហោះដឹកអ្នកដំណើរបើកស្វ័យប្រវត្តិនាថ្ងៃអនាគត។ វិស្វករចំណាយពេលត្រឹម ៣ ខែ បូករួមទាំងការរចនានិងផលិត ហើយបញ្ចប់ការសាកល្បងដោយជោគជ័យក្នុងទីពិសោធន៍នារដ្ឋ Missouri។

លោក Greg Hyslop តំណែង CTO ក្នុងក្រុមហ៊ុនបានថ្លែងដូច្នោះថា "Drone ដឹកទំនិញមួយនេះ ជាជំហានបន្ទាប់មួយទៀតនៃយុទ្ធសាស្ត្រ Boeing eVTOL របស់ក្រុមហ៊ុនយើង ដោយមានឱកាសក្នុងការផ្លាស់ប្ដូរមធ្យោបាយធ្វើដំណើរនិងដឹកជញ្ជូននៅលើអាកាសឈានទៅរកការអភិវឌ្ឍមួយកម្រិតទៀត"។

បំពាក់នូវស្លាបចក្រ ៨ អាចហោះហើរតាមរយៈខ្សែបណ្ដោយ មានវិមាត្រខ្លួន ៤.៥៧x៥.៤៩x១.២២ ម៉ែត្រ និងទម្ងន់ខ្លួន ៣៣៩ គ.ក។ មិនមានការបញ្ជាក់លំអិតពីថេរវេលានៃការហោះឬទំហំថាមពលថ្ម និងតម្លៃនៅឡើយ។

រំឭកថាក្រុមហ៊ុនអាមេរិកមួយនេះ មិនត្រឹមតែសិក្សាលើគម្រោង VTOL មួយមុខទេ ទៀតសោតខ្លួនក៏បានចូលចំណែកនូវទឹកប្រាក់ ២ លានដុល្លារ ក្នុងការបង្កើត Jetpack ដែលអាចដឹកមនុស្សហោះនៅចម្ងាយ ៣០ គ.ម ដោយមិនចាំបាច់សាកឬប្រើប្រាស់ប្រេងឥន្ធនៈ។

ទស្សនាវីដេអូខាងក្រោម: