ក្រុមហ៊ុនបច្ចេកវិទ្យាធំៗរួមទាំង Apple ចេញការព្រមាន ណែនាំវិធីការពារពីឧក្រិដ្ឋជន

2018-01-12 04:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កំហុសឆ្គងលើ Chip ឬហៅថា Chip Flaws អាចអនុញ្ញាតឲ្យឧក្រិដ្ឋជនលើអ៊ីនធឺណិតលួចយកទិន្នន័យផ្ទាល់ខ្លួនពីកុំព្យូទ័រ និងស្មាតហ្វូនរាប់លានគ្រឿង ត្រូវបានរកឃើញដោយក្រុមស្រាវជ្រាវសន្តិសុខ។

ក្រុមស្រាវជ្រាវសន្តិសុខ Google កាលពីឆ្នាំមុនបានរកឃើញកុំព្យូទ័រងាយរងគ្រោះដោយប្រើ Chip បង្កើតដោយ Intel, AMD និង ARM ក៏ដូចជា Device និងប្រព័ន្ធប្រតិបត្តិការដំណើរការលើ Chip ទាំងនោះ។ អាស្រ័យលើ ក្រុមស្រាវជ្រាវ ស្ទើរតែគ្រប់កុំព្យូទ័រចេញរយៈពេល ២០ឆ្នាំមកនេះ អាចនឹងងាយរងគ្រោះ។ យ៉ាងណាមិញ អ្នកអាចបង្ការហានិភ័យនេះ ដោយអនុវត្តតាមវិធីខាងក្រោម។

អ្នកប្រើប្រាស់ Android និង Chromebook

អ្នកគួរធ្វើកំណែទម្រង់ប្រព័ន្ធប្រើជំនាន់ចុងក្រោយបង្អស់ និងប្រើផលិតផលមានការការពារផ្នែកសន្តិសុខប្រព័ន្ធ
អ្នកប្រើប្រាស់ Android និង Tablet មួយចំនួន នៅបន្តប្រើជំនាន់ប្រព័ន្ធប្រតិបត្តិការចាស់ ហើយមួយចំនួនមិនអាចធ្វើកំណែទម្រង់សន្តិសុខប្រព័ន្ធចុងក្រោយបាននោះទេ ដូច្នេះអាចពិបាកក្នុងការការពារ។
អ្នកគួរប្រើកម្មវិធីកំចាត់មេរោគ មានអាជ្ញាប័ណ្ណត្រឹមត្រូវ និងធ្វើកំណែទម្រង់ប្រើជំនាន់ចុងក្រោយបំផុត។
អ្នកប្រើប្រាស់ Google Chrome អាចការពារបានដោយបើកដំណើរការមុខងារថ្មីហៅថា Strict Site Isolation បាន។

ក្រុមហ៊ុន Google និយាយថា៖ "បច្ចុប្បន្ន ការវាយប្រហារដែលបានស្គាល់មិនទាន់ប៉ះពាល់ដល់ Google Home, Chromecast, Google Wifi ឬ OnHub ឡើយ"។

អ្នកប្រើប្រាស់ Apple TV, iPhone និង Mac

ក្រុមហ៊ុន Apple បានបង្ហាញថារាល់បណ្តាលផលិតផលខ្លួនមាន iPhone, iPad, Mac និង Apple TV រងការប៉ះពាល់ ប៉ុន្តែមិនទាន់មានការបង្ហាញពីអតិថិជនពេលនេះទេ។

ក្រុមហ៊ុនបានចេញកំណែទម្រង់ប្រព័ន្ធថ្មីលើ iOS 11.2, macOS 10.13.2, និង tvOS 11.2 ហើយនឹងបន្តបង្កើតថ្មីៗទៀតសម្រាប់អតិថិជន។ បច្ចុប្បន្ន អ្វីអ្នកអាចធ្វើគឺធ្វើកំណែទម្រង់ប្រព័ន្ធចុងក្រោយបំផុតសម្រាប់ Apple device។

លើ iPhone ឬ iPad អ្នកចូលទៅកាន់ Settings > General > Software Update។
លើ macOS បើកកម្មវិធី App Store ចុចលើ Updates ក្នុង App Store toolbar និងប្រើប៊ូតុង Update ដើម្បីទាញយក និងដំឡើង។
លើ Apple TV ចូលទៅកាន់ Settings > System > Software Updates និងបើកដំណើរការជម្រើស Automatically Update។

អ្នកប្រើប្រាស់ Windows

ក្រុមហ៊ុន Microsoft បានចេញកំណែទម្រង់សន្តិសុខជាបន្ទាន់មួយសម្រាប់ Window 10 ដែលនឹងដំណើរការដោយស្វ័យប្រវត្តិទៅកាន់កុំព្យូទ័រជាច្រើន នេះបើតាម Verge។

ក្រុមហ៊ុន Microsoft និយាយថា៖ "យើងដឹងពីបញ្ហាជាច្រើនក្នុងឧស្សាហកម្មនេះ ហើយបានបន្តធ្វើការយ៉ាងស្និទ្ធជាមួយក្រុមហ៊ុនផលិត Chip ដើម្បីបង្កើត និងធ្វើការសាកល្បង ដើម្បីការពារអតិថិជនយើង។ យើងបានចេញកំណែទម្រង់សន្តិសុខប្រព័ន្ធដើម្បីការពារអតិថិជនប្រើ Window លើ Chip របស់ Intel, ARM និង AMD។ យ៉ាងណាមិញ យើងមិនទាន់ទទួលបានព័ត៌មានណាមួយបង្ហាញពីការរងគ្រោះរបស់អតិថិជននៅឡើយទេ។"។

ការជួសជុលសម្រាប់ម៉ាស៊ីន Windows 7 និង 8 ក៏មានដែរ។ យ៉ាងណាមិញ អ្នកអាចធ្វើកំណែទម្រង់ខ្លួនឯងដោយចូលទៅកាន់ Settings > ស្វែងរកពាក្យ Windows Update និងចុចលើ Check for Updates៕