ម៉ឺន សុភា ចង់ជួបជើងខ្លាំងបរទេសលំដាប់ៗឲ្យបានច្រើននាក់ទៀត

2018-01-12 08:18:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរកណ្ដាប់ដៃថ្ម ម៉ឺន សុភា ថា ចង់ជួបជាមួយកីឡាករល្អៗ និងលំដាប់របស់បរទេសច្រើននាក់ទៀត ដើម្បីសន្សំបទពិសោធ និងសាងប្រជាប្រិយភាពក្នុងអាជីពនេះ។

កីឡាករ ម៉ឺន សុភា

ម៉ឺន សុភា បានឲ្យដឹងថា ក្នុងនាមជាអ្នកប្រដាល់មួយរូបតែងតែប្រាថ្នាចង់ជួបកីឡាករជើងខ្លាំងបរទេសនានា ជាពិសេសកីឡាករល្អៗនៅប្រទេសថៃតែម្ដង។ ការជួបប្រកួតជាមួយអ្នកខ្លាំងៗមានប្រយោជន៍ច្រើនណាស់សម្រាប់រូបគេ។

អ្នកប្រដាល់មានកេរ្តិ៍ឈ្មោះល្បីខ្លាំងរូបនេះបន្ថែមថា ការជួបប្រកួតជាមួយដៃគូខ្លាំងបានច្រើន និងបានដកស្រង់បទពិសោធថ្មីៗ បច្ចេកទេសល្អៗនិងធ្វើឲ្យខ្លួនរឹតតែល្អ ណាមួយពេលវ៉ៃឈ្នះអ្នកខ្លាំងប្រជាប្រិយភាពរបស់ខ្លួនក៏កើនឡើងតាមនិងដែរ។

កីឡាករ ម៉ឺន សុភា

ម៉ឺន សុភា ជាកីឡាករមកពីក្លឹបប្រដាល់សមាគមកីឡាក្រសួងការពារជាតិ បច្ចុប្បន្នជាជើងខ្លាំងជួរមុខរបស់កម្ពុជា រាល់ការប្រកួតរបស់គេភាគច្រើនជួបតែបរទេសប៉ុណ្ណោះ។ ប្រកួតចុងក្រោយផ្ដួលកូនសិស្សរបស់ស្ដេចប្រដាល់ថៃ ប៊ូខាវ ឲ្យសន្លប់ក្នុងទឹកទី១នៅសង្វៀនបាយ័នស្ទឹងមានជ័យកាលពីសប្ដាហ៍មុននេះ៕

អត្ថបទ៖ នួន ស៊ីណា