ក្រោយបាត់មុខច្រើនឆ្នាំ Nokia Asha ត្រលប់មកវិញហើយ?

2018-01-13 02:43:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន HMD Global បានចុះបន្ថែមនូវពាណិជ្ជសញ្ញាឲ្យឈ្មោះថា Asha នៅការិយាល័យ IP នៃសហភាពអឺរ៉ុប។ ជាឈ្មោះនៃត្រកូលស្មាតហ្វូនរបស់ក្រុមហ៊ុន Nokia មួយ ដែលទទួលបានភាពល្បីល្បាញកាលពីឆ្នាំ ២០១១ មុនពេលក្រុមហ៊ុន Microsoft ទិញយកក្រុមហ៊ុនទាំងមូលទៅកាន់កាប់។

អាចថាជាការត្រលប់មកវិញ ស្របពេលកន្លងទៅម៉ូដែលនេះត្រូវបាត់បង់ ព្រោះទំនងជាក្រុមហ៊ុនរបស់លោក Satya Nadella សង្កេតឃើញពីភាពស្រដៀងគ្នាជាមួយស្មាតហ្វូនស៊េរីទាបដែលខ្លួនផលិតនៃត្រកូល Lumia 435។

គូសបញ្ជាក់ថាត្រកូល Asha មានចាប់តាំងពីម៉ូដែល Asha 200 ដែលប្រើប្រាស់ក្តារចុច QWERTY រហូតវិវត្តដល់ជំនាន់ Touch Screen នាឆ្នាំ ២០១២ នៃត្រកូល 202 រហូតដើរដល់ជំនាន់ចុងក្រោយ Asha 503 នាខែតុលា ឆ្នាំ ២០១៣ ដែលហៅចូលជាប្រភេទស្មាតហ្វូនទំនើប អាចប្រើប្រាស់ស៊ីម ២ អ៊ីនធឺណិតល្បឿនលឿន និងមានរូបរាងតូចច្រឡឹងដ៏ស្រស់ស្អាត មុនឈ្មោះនៃទូរសព្ទមួយនេះ បានបាត់បង់នាប៉ុន្មានឆ្នាំបន្ទាប់។

ប្រភព: http://nokiamob.net/2018/01/10/hmd-global-now-owns-the-nokia-asha-brand/

អានអត្ថបទ:

ប្រភព៖ Nokiamob.net ប្រែសម្រួល៖ កៅ រក្សា