រថយន្តលោត ChecK ចេញភ្លាម ដឹងរោគសញ្ញាភ្លាម

2018-01-12 03:07:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលដែលអ្នកបើកបររថយន្តតាមដងផ្លូវតែមានលោកភ្លើងសញ្ញា Check ដែលបង្ហាញលើតាប្លូរបស់រថយន្តដែលមានពណ៌ខៀវ ពណ៌ទឹកក្រូច និងពណ៌ក្រហមសញ្ញាទាំងនេះអាចប្រាប់ពីបញ្ហារបស់រថយន្តអ្នកពេលកំពុងធ្វើដំណើរ។

លោកគ្រូ ពិន ពិសិដ្ឋ ជាគ្រូបង្រៀនផ្នែកគ្រឿងភ្លើងរថយន្តនៅសាលាបច្ចេកទេសជួសជុលរថយន្តJVC បានប្រាប់ Sabay ភ្លើងសញ្ញាណមួយចំនួនបង្ហាញថារថយន្តរបស់អ្នកមានបញ្ហានៅពេលមានលោតពណ៌ក្រហមពេលម៉ាស៊ីនដំណើរការសម្រាប់ប្រភេទរថយន្តToyota មួយចំនួន៖

ពោងសុវត្ថិភាព៖ នៅពេលលោតសញ្ញានេះបង្ហាញពីបញ្ហាប្រព័ន្ធពោងសុវត្ថិភាពរថយន្តរបស់អ្នកមានបញ្ហា គួរតែឲ្យអ្នកជំនាញត្រួតពិនិត្យភ្លាមៗ ជៀសវាងមិនដំណើរការនៅពេលគ្រោះថ្នាក់ពេលបើកបរ ។ ជាធម្មតាសញ្ញានេះលោតឡើងនៅពេលដែលពោងសុវត្ថិភាពចំនួនមួយ ឬច្រើនមិនដំណើរការ។

ម៉ាស៊ីនឡាន៖ សញ្ញាដែលគួរតែប្រុងប្រយ័ត្នជាងគេ ដោយសញ្ញានេះមានន័យថាម៉ាស៊ីនឡានមានបញ្ហាដែលដំណើរការមិនប្រក្រតីធ្វើឲ្យម៉ាស៊ីនឡានបញ្ចេញផ្សែងពុលខ្លាំងជាងមុនផងដែរ។

សម្ពាធប្រេងម៉ាស៊ីន៖ សញ្ញានេះបង្ហាញពីសម្ពាធប្រេងក្នុងម៉ាស៊ីនខ្ពស់ ឬទាបអាចឲ្យអ្នកដឹងថាប្រព័ន្ធបូមប្រេងខូចស្ទះប្រេងម៉ាស៊ីនល្អក់កករ ឬជិតអស់ប្រេងហើយអ្នកគួរតែត្រួតពិនិត្យវាមុនមុនពេលបញ្ឆេះម៉ាស៊ីនធ្វើដំណើរ។

សីតុណ្ហភាពម៉ាស៊ីនត្រជាក់៖ សញ្ញានេះបង្ហាញថាទឹកបញ្ចុះកម្ដៅក្នុងម៉ាស៊ីនរថយន្តរបស់អ្នកគឺត្រជាក់ពេកសម្រាប់ម៉ាស៊ីន តែវានិងបាត់ទៅវិញបន្ទាប់ម៉ាស៊ីនដំណើរការហើយវាមិនមែនជាបញ្ហាធំនេះទេ ប៉ុន្តែការដែលម៉ាស៊ីនដំណើរការក្នុងស្ថានភាពបែបនេះ អាចធ្វើឲ្យម៉ាស៊ីនប្រើប្រាស់ប្រេងឥន្ធនៈច្រើន និងបញ្ចេញសារធាតុពុលមកខាងក្រៅ។

ម៉ាស៊ីនក្ដៅ៖ បង្ហាញថាម៉ាស៊ីនឡានមានកម្ដៅក្ដៅខ្លាំងបើលើសពីគំនូស ៥០% គួរឈប់ឡានជាប្រញាប់ និងហៅអ្នកជំនាញមកត្រួតពិនិត្យ ឬសណ្ដោងឡានទៅការាសតែម្ដង។ ប្រសិនបន្តបើកឡានទាំងលោតសញ្ញានេះ អាចបណ្ដាលឲ្យរថយន្តមានបញ្ហាធ្ងន់ធ្ងរលើសដើមបាន។

សំពាធកង់ឡាន៖ មានន័យថាសំពាធក្នុងកង់រថយន្តរបស់អ្នកណាមួយ ឬច្រើន ធូរពេកតឹងពេក ឬមានន័យថាកង់ណាមួយរបស់រថយន្តបែក។

ប្រព័ន្ធហ្វ្រាំង៖ សញ្ញានេះបង្ហាញឲ្យយើងដឹងពីចំណុចជាច្រើន ដូចជា ដឹងពីហ្វ្រាំងដៃនៅដំណើរការ ហើយនឹងបាត់សញ្ញាទៅវិញគ្រាន់តែប្រលែងហ្វ្រាំងដៃនេះប្រសិនបើសញ្ញានេះមិនរលត់ មានន័យថាប្រេងហ្រ្វាំងមិនគ្រប់គ្រាន់ ឬប្រព័ន្ធហ្វ្រាំងដំណើរការខុសប្រក្រតី។

ក្រៅពីសញ្ញាគ្រោះថ្នាក់ខាងលើនេះក៏នៅមានសញ្ញាផ្សេងៗទៀតទៅតាមប្រភេទរថយន្តដែលលោកបង្ហាញឲ្យអ្នកដឹង។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អត្ថបទបន្ទាប់៖

អត្ថបទ៖ ម៉េងងី