វត្ថុ ១០ យ៉ាងដែលគ្មានកាល ១០ ឆ្នាំមុន តែបច្ចុប្បន្នស្ទើរតែមិនអាចខ្វះបាន

2018-01-14 02:45:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពេលវេលាដើរលឿនណាស់ បច្ចេកវិទ្យាក៏មានការផ្លាស់ប្ដូរជាបន្តបន្ទាប់ផងដែរស្របតាមកំណើនតម្រូវការរបស់មនុស្ស។ ជារួមបច្ចេកវិទ្យាបង្កើតឡើងក្នុងការជួយមនុស្សលើសកម្មភាពណាមួយឲ្យមានភាពងាយស្រួល។

អ្នកចង់ដឹងទេថា មានអ្វីខ្លះមិនទាន់កើតមាន ១០ឆ្នាំ មុនហើយមានកំណើនប្រើប្រាស់មិនគួរឲ្យជឿប៉ុន្មានឆ្នាំចុងក្រោយនេះ។ ១០ យ៉ាង អ្នកនឹងឃើញនៅទីនេះ តម្រៀបពីលេខ ១០ ទៅមុន។

១០. Uber

១០ ឆ្នាំមុន អ្នកប្រហែលជាជួបផលពិបាកក្នុងការហៅរថយន្តធ្វើដំណើរពីកន្លែងមួយទៅកន្លែងមួយ ជាពិសេសពេលនៅប្រលានយន្តហោះ ហើយមិនសូវមានទំនុកចិត្តចំពោះម្ចាស់រថយន្តតាក់ស៊ីមួយចំនួនថែមទៀត។ បច្ចុប្បន្ន ការហៅថារថយន្តតាក់ស៊ីកាន់តែមានភាពងាយស្រួល និងរហ័ស។

៩. Bitcoin

Bitcoin ជាប្រភេទលុយឌីជីថល ឬ Cryptocurrency ប្រើប្រាស់ក្នុងការទូទាត់លើអ៊ីនធឺណិតបានងាយស្រួល ត្បិតនៅប្រទេសមួយចំនួន មិនទាន់ទទួលស្គាល់ពេញលេញ។

៨. Instagram

កម្មវិធីចែករំលែករូបភាពមានចំនួនអ្នកប្រើប្រាស់រាប់រយលាននាក់ និងរូបភាព ក៏ដូចជាវីដេអូរាប់លាន។ កម្មវិធីដាក់ដំណើរការលើ Apple ឆ្នាំ ២០១០ និងពីរឆ្នាំក្រោយសម្រាប់ Android។

៧. ដងសេលហ្វី (Selfie)

ដងសេលហ្វី ជាឧបករណ៍សម្រាប់ភ្ជាប់កាមេរ៉ាថតពីចម្ងាយ ងាយស្រួលក្នុងការថតរូបខ្លួនឯង និងថតរូបជាក្រុម មានអាយុកាលច្រើនជាង ១០ ឆ្នាំ ខណៈបច្ចេកវិទ្យាកាមេរ៉ាមុខ ក៏ដូចជាកាមេរ៉ាក្រោយមានការវិវត្តច្បាស់ទៅៗ។

៦. Spotify

Spotify ជាជម្រើសស្តាប់តន្ត្រីលើអ៊ីនធឺណិតមានអ្នកប្រើប្រាស់រាប់រយលានអ្នក ដែលផ្ទុកនូវបទចម្រៀងរាប់សិបលាន។ Spotify អាចប្រើប្រាស់ឥតគិតថ្លៃ តែមានបង្ហាញពាណិជ្ជកម្ម បើមិនចង់រញ៉េរញ៉ៃជាមួយពាណិជ្ជកម្មអាចបង់តម្លៃ ៩.៩៩ ដុល្លារ ក្នុងមួយខែ។

៥. ពាក្យ Woke

ពាក្យ Woke កាលឆ្នាំ ២០០៧ មិនមានអ្នកណាម្នាក់ដឹងពីអត្ថន័យនោះទេ តែឆ្នាំ ២០០៨ Wordsmiths (មនុស្សធ្វើការជាមួយពាក្យ ឬអ្នកជំនាញសរសេរ) នៅ Merriam-Webster ដែលយកចិត្តទុកដាក់លើចំនុចនេះ បានដាក់វាចូលសៀវភៅធំរបស់ពួកគេ ហើយបានប្រើជាផ្លូវការបន្ទាប់មកទៀត។

៤. Airbnb

Airbnb ដំណើរការនៅឆ្នាំ ២០០៨ ជាកម្មវិធី និងគេហទំព័រមានព័ត៌មានទីតាំងទីក្រុងច្រើនជាង ៦៥,០០០ ក្នុងប្រទេសច្រើនជាង ១៩១ ហើយផ្តល់នូវកន្លែងលំហែកាយដល់មនុស្សច្រើនជាង ២០០ លាននាក់។ Airbnb ផ្តល់ជម្រើសអ្នកជ្រើសរើសទីតាំងណាមួយសម្រាប់លំហែកាយ បានច្រើនកន្លែង។

៣. Snapchat

អ៊ីនធឺណិតមានអាយុកាលច្រើនជាង ១០ឆ្នាំផ្តល់វិធីបង្កើតអ្វីថ្មីៗបានច្រើន ជាក់ស្តែងកម្មវិធី Snapchat ជាកម្មវិធីជជែកកំសាន្ត មានអ្នកប្រើប្រាស់ច្រើនជាង ១៧០ លានអ្នក។

២. Tesla

Elon Musk មានក្តីស្រមៃបង្កើតរថយន្តលឿន និងអស្ចារ្យ ៤០ឆ្នាំមុនកាលគាត់ជាក្មេងប្រុសក្នុង អាហ្វ្រិកខាងត្បូង។ គាត់បានដំណើរការក្រុមហ៊ុន Tesla Roadster ជាក្រុមហ៊ុននាំមុខរថយន្តអគ្គិសនី និងបច្ចេកវិទ្យាបើកបរស្វយ័តផងដែរ។ សម្រាប់ពេលអនាគត រថយន្តអគ្គិសនីនឹងមានការផ្លាស់ប្ដូរធំមួយចំពោះឧស្សាហកម្មរថយន្ត។

១. iPad

iPad ជាប្រភេទកុំព្យូទ័រ Tablet ប្រើថាមពលនៃម៉ាស៊ីន Desktop ដោយប្រើដាក់នៅបន្ទប់ទទួលភ្ញៀវ និងក្នុងរថយន្ត។ iPad មិនមែនជា Tablet ទីមួយ ឬចុងក្រោយនោះទេ តែវាបានធ្វើឲ្យមានឥទ្ធិពលធំមួយ។ ត្បិតតែការលក់ធ្លាក់ចុះ ប៉ុន្តែ iPad នៅតែបន្តមានអ្នកប្រើប្រាស់ ដោយក្រុមហ៊ុន Apple លក់បាន ១០,៣ លានគ្រឿងនៅត្រីមាសទីបីត្រឹមតែក្នុងឆ្នាំ ២០១៧ ប៉ុណ្ណោះ៕