៤រឿងធំៗ វិសាខា ធ្វើឲ្យមានការភ្ញាក់ផ្អើលក្នុងវិស័យកីឡា
- 2018-01-15 02:54:03
- ចំនួនមតិ 0 | ចំនួនចែករំលែក 0
៤រឿងធំៗ វិសាខា ធ្វើឲ្យមានការភ្ញាក់ផ្អើលក្នុងវិស័យកីឡា
ចន្លោះមិនឃើញ
គិតត្រឹមពេលនេះក្លឹបបាល់ទាត់វិសាខាបានធ្វើរឿងអស្ចារ្យជាច្រើន ក្នុងនាមជាក្លឹបឡើងមកលេងលីគកំពូលកម្ពុជាឆ្នាំដំបូង ដោយនាំយកកីឡាករល្អៗ ដែលធ្វើឲ្យគ្រប់គ្នាមានការភ្ញាក់ផ្អើល។ ថ្ងៃនេះ Sabay សូមលើកយករឿងធំៗទាំង៤ ដែលក្លឹបនេះបានធ្វើ៖
១-ឡើងមកលេងលីគកំពូលភ្លាមធ្វើកីឡដ្ឋានផ្ទាល់ខ្លួនភ្លាម៖ ក្លឹបមួយនេះកំពុងធ្វើទីលានផ្ទាល់ខ្លួននៅ Grand Phnom Penh សម្រាប់ត្រៀមលេងលីគកំពូលកម្ពុជា និង Hun Sen Cup ឆ្នាំ២០១៨ ដែលគិតត្រឹមពេលនេះសាងសង់បានប្រមាណជា ៤០%ហើយ។
២-ឡើងមកលេងភ្លាមនាំកីឡាករជម្រើសជាតិល្អៗចូលក្រុម៖ បើគិតត្រឹមពេលនេះក្លឹបមួយនេះបាននាំចូលកីឡាករជម្រើសជាតិល្អៗមានដូចជាខ្សែការពារមកពីបឹង រស់ សំអឿន និងអ្នកចាំទីមកពីភ្នំពេញក្រោន កែវ សុខសិលា ជាដើម រួមជាមួយខ្សែបម្រើឆ្នើម ពៅ ភារិទ្ធ។
៣-នាំចូលកីឡាករបរទេសល្អៗពីទ័ព ដែលគ្រប់គ្នាសឹងមិនគួរឲ្យជឿ៖ ការនាំយកកីឡាករបរទេសកូរ៉េខាងជើងពីទ័ពធ្វើឲ្យមហាជនមានការចាប់អារម្មណ៍យ៉ាងខ្លាំង ពីព្រោះកីឡាករកូរ៉េខាងជើងទាំង ៤នាក់ គឺ ខ្សែប្រយុទ្ធ Choe Myong-ho, ខ្សែបម្រើ Kim Kyong-hon, ខ្សែប្រយុទ្ធ Ri Hyok-chol និងខ្សែការពារ Jang Song-hyok មានភាពលេចធ្លោក្នុងកំឡុងពេលនៅជាមួយទ័ពពីរឆ្នាំកន្លងមក។
៤-ទិញក្លឹបបាល់ទះនៅថៃ៖ កាលពីពេលកន្លងទៅថ្មីៗនេះគ្រប់គ្នាប្រហែលបានទទួលដំណឹងហើយថា ក្លឹបបាល់ទះវិសាខា ដែលស្ថិតក្រោមការដឹកនាំរបស់ឯកឧត្ដម ស សុខា តំណាងរាស្ត្រខេត្តព្រៃវែងបានទិញក្លឹបបាល់ទះអាជីពរបស់ថៃ NK Fitness ហើយបានប្រើឈ្មោះថា វិសាខាថៃ៕