Ronaldo បដិសេធមិនបានហៅ Messi ថា “motherf*cker”

2014-11-12 15:58:04
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo បានចេញបដិសេធចំពោះព័ត៌មានដែលថារូបគេបានដាក់ឈ្មោះក្រៅឱ្យ Lionel Messi ថា "Motherf*cker" ដែលខាងកាសែត Guillem Balague របស់ទីក្រុង Barcelona បានចុះផ្សាយម្សិលមិញនេះ។

នៅលើទំព័រ Facebook របស់ខ្លួនដែលមាន Fan ជាង ១០១លាននាក់នោះ CR7 បានសរសេរថា៖ “ព័ត៌មានដែលចោទប្រកាន់ខ្ញុំទាក់ទងនឹងរឿងជេរប្រមាថ Messi នោះគឺជារឿងឆ្កួតបំផុត។ រឿងនោះច្បាស់ណាស់ថាមិនពិតនោះទេ ហើយខ្ញុំនឹងពិភាក្សាជាមួយមេធាវីរបស់ខ្ញុំ ដើម្បីចាត់វិធានការផ្លូវច្បាប់លើអ្នកដែលទទួលខុសត្រូវរឿងនេះ។ ខ្ញុំស្រលាញ់មិត្តរួមអាជីពបាល់ទាត់ទាំងអស់ ហើយ Messi ក៏ស្ថិតក្នុងចំណោមនោះដែរ”។

នេះមិនមែនជាលើកទីមួយទេ ដែលមានព័ត៌មានមិនល្អពីកីឡាករកំពូលទាំងពីរនេះដោយសារពួកគេទាំងពីរតែងតែប្រជែងគ្នាគ្រប់ពានរង្វាន់ទាំងអស់ ទាំងពានកីឡាករល្អនៅអេស្ប៉ាញ ពានកីឡាករល្អបំផុតនៅអឺរ៉ុប ពានកីឡាករល្អបំផុតនៅលើលោក និងសូម្បីពានកីឡាករស៊ុតចូលច្រើនជាងគេនៅ UEFA Champions League ៕

ចុចអាន៖ ខ្លាំងអស់ស្ទះ! Ronaldo បានពាន២ទៀតហើយ

ចុចអាន៖ អាចផ្លាស់ប្ដូរពី Messi & CR7 ឬអត់ ពាន Ballon d’Or ឆ្នាំនេះ?

ប្រែសម្រួល៖ មុន្នី រម្យ ប្រភព៖dailymail