មិនចង់ឲ្យជឿ នាឡិកា Tag Heuer អាចទិញរថយន្ត Porsche បាន ២ គ្រឿង

2018-01-17 10:22:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភេទនាឡិកាឆ្លាតវៃដែលមានតម្លៃខ្ពស់បំផុត អាចថា Apple Watch Edition ថ្លៃ ១៧ ០០០ ដុល្លារ តែបើក្រឡេកមកមើលក្រុមហ៊ុន Tag Heuer បានចេញលក់នាឡិកាឆ្លាតវៃប្រើប្រព័ន្ធ Android ហើយថ្លៃបំផុតក្នុងលោក ល្មមទិញបានរថយន្ត Bentley ទំនើបមួយឬយក Porsche Carrera បានពីរគ្រឿងក្នុងទីផ្សារអង់គ្លេស ។

នាកម្មវិធី Haute Horlogerie Geneve ក្រុមហ៊ុននាឡិកាស្វីសបានប្រកាស Smartwach ម៉ូដែល Modular 45 ស្រោបដោយត្បូងពេជ្រចំនួន ៥៨៩ គ្រាប់ប្រហែល ២៣.៣៥ ការាត់និងខ្សែស្រោបដោយមាសស 18K PD125 ធ្វើឲ្យតម្លៃរបស់វាឡើងដល់ ១៩៧ ០០០ ដុល្លារ ។

ថ្លែងក្នុងសន្និសីទផ្លូវការមួយ ក្រុមហ៊ុន Tag Heuer បានបញ្ជាក់ថា "ពិតណាស់ដែលក្រុមហ៊ុនរបស់យើង ជាទូទៅតែងតែចេញលក់នូវនាឡិកា Tag Heuer មានរូបរាងសាមញ្ញ ប៉ុន្តែម៉ូដែលនេះមិនត្រឹមតែប្រើលោហធាតុទីតាញ៉ូមមុយមុខឡើយ ក៏ស្រោបដោយត្បូងពេជ្រ រំលេចដោយទឹកមាសសផងដែរ"។

រូបតំណាងរថយន្ត Porsche 911 Carrera

ចំពោះលក្ខណៈសម្បត្តិម៉ាស៊ីន Modular 45 ប្រើអេក្រង់ AMOLED ដំណើរការលើ Android Wear 2.0 មានមុខងារ GPS, Wi-Fi, Bluetooth និង NFC សម្រាប់ទូទាត់ទំនិញជាមួយ Android Pay។ ត្រឹមលក្ខណៈសម្បត្តិប៉ុណ្ណេះ អាចថាស្មើគ្នាធៀបនឹង Modular 41 ថ្លៃ ១ ២០០ ដុល្លារ គ្រាន់រូបរាងខុសគ្នាដាច់។