Pato សង្ឃឹមជាប់ជម្រើសជាតិប្រេស៊ីលវិញក្រោយលេងល្អនៅអាស៊ី
- 2018-01-17 02:52:52
- ចំនួនមតិ 0 | ចំនួនចែករំលែក 0
Pato សង្ឃឹមជាប់ជម្រើសជាតិប្រេស៊ីលវិញក្រោយលេងល្អនៅអាស៊ី
ចន្លោះមិនឃើញ
Alexandre Pato រំពឹងបានឱកាសជាប់ជម្រើសជាតិវិញក្រោមការដឹកនាំរបស់គ្រូបង្វឹក លោក Tite ដើម្បីបង្ហាញខ្លួននៅ World Cup ជុំផ្ដាច់ព្រ័ត្រ។
ខ្សែប្រយុទ្ធវ័យ២៨ឆ្នាំបាត់មុខពីក្រុមជម្រើសជាតិប្រេស៊ីលតាំងពីខែមិថុនា ឆ្នាំ២០១៣មក ដោយសារតែរបួសដ៏រ៉ាំរ៉ៃ មិនអាចឲ្យរូបគេលេងបាល់បានជាប់លាប់។ យ៉ាងណាក្រោយទៅប្រកបអាជីពនៅក្លឹបចិនTianjin Quanjian ហើយស៊ុតបញ្ចូលទី១៥គ្រាប់ក្នុង២៤ប្រកួត Pato សង្ឃឹមទទួលការកោះហៅពីគ្រូបង្វឹកសារជាថ្មី។
អតីតកីឡាករឆ្នើម AC Milan ប្រាប់ថា៖ ការប្រឹងប្រែងទាំងអស់របស់ខ្ញុំគឺដើម្បីវិលទៅជម្រើសជាតិ។ ក្រៅពីហ្វឹកហាត់ជាមួយក្លឹប ខ្ញុំបានហ្វឹកហាត់សាច់ដុំបន្ថែមនៅផ្ទះ ខ្ញុំតែងតែស្រមៃចង់ពាក់អាវប្រេស៊ីលម្ដងទៀត។ ការលេងនៅចិនខ្ញុំបានជួយក្លឹបឈានដល់កម្រិតមួយដែលគ្មាននរណាអាចនឹកស្មានដល់ (បញ្ចប់ចំណាត់ថ្នាក់លេខ៣)៕