ចេះវិធីការពារខ្លួននេះ គ្មានអ្នកណាអាចមកកូរគណនី Facebook អ្នកបានទៀតទេ

2018-01-17 10:26:48
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងទៅ Sabay ក៏ធ្លាប់បានណែនាំពីគន្លឹះនិងរបៀបប្រើប្រាស់បណ្ដាញសង្គមឲ្យមានសុវត្ថិភាព ដើម្បីជៀសឆ្ងាយពីការវាយប្រហារផ្សេងៗ។ អត្ថបទនេះនឹងនិយាយបន្ថែមជាថ្មីពីការបង្ការខ្លួនពីការវាយប្រហារនានា សម្រាប់អ្នកប្រើប្រាស់បណ្តាញសង្គម។

រូបតំណាង

លោក អ៊ូ ផាន់ ណារិទ្ធ អ្នកជំនាញផ្នែកប្រព័ន្ធសុវត្ថិភាព បានចែករំលែកតិចនិកខ្លះៗ ដើម្បីការពារខ្លួនដើម្បីសន្តិសុខនិងសុវត្ថិភាពក្នុងការប្រើប្រាស់បណ្តាញសង្គម អ្នកគួរតែ៖

១. ប្រើប្រាស់លេខសម្ងាត់ដែលខ្លាំងចាប់ពី ៨ តួអក្សរឡើង(មានតួអក្សរ លេខ និងនិមិ្មត្តសញ្ញាបញ្ចូលគ្នា)
២. ដាក់ដំណើរការមុខងារផ្ទៀងផ្ទាត់ពីរស្រទាប់ 2 Factor Authentication
៣. មិនត្រូវចុចទៅលើតំណរភ្ជាប់ (link) ឬព័ត៌មានណាដែលគួរឲ្យសង្ស័យ ឬមានប្រភពមិនច្បាស់លាស់
៤. ត្រួតពិនិត្យទៅលើសារដែលផ្ញើរមកតាម Facebook Messenger ឲ្យបានច្បាស់ ឬបើអាចសូមធ្វើការផ្ទៀងផ្ទាត់ជាមួយអ្នកដែលបានផ្ញើរអ្វីមកអ្នកជាមុនសិន
៥. សូមគិតឲ្យបានពីរ ឬបីដងមុននឹងចុចទៅលើអ្វីមួយ
៦. សូមធ្វើការត្រួតពិនិត្យរកប្រភពព័ត៌មានជាមុនសិន ឬសាកសួរអ្នកជំនាញផ្នែកនេះ ដើម្បីជៀសវាងការបាត់បង់ដោយប្រការណាមួយ
៧. សូមរាយការណ៍ទៅកាន់ incident@camcert.gov.kh អំពីបញ្ហានេះ

ជាក់ស្ដែងនាពេលថ្មីៗនេះ មានអ្នកបន្លំដាក់ឈ្មោះថា Page Verification (ដូចក្នុងរូបខាងក្រោម) ដើម្បីបោកបញ្ឆោតអ្នកប្រើប្រាស់ ជាពិសេសទៅលើទំព័រហ្វេសប៊ុកលក់ដូរផលិតផល ឬមានចំនួនអ្នក Likes ច្រើន ដោយធ្វើជាសរសេរឲ្យអ្នកធ្វើការបញ្ចូលគណនីហ្វេស៊បុករបស់អ្នកសារជាថ្មី ដើម្បីជៀសវាងមិនឲ្យមានការបាត់បង់។

សូមកុំចាញ់បោកឲ្យសោះ គណនីហ្វេសប៊ុករបស់អ្នកនឹងត្រូវបាត់បង់ (លួច) ដោយជនឧក្រិដ្ឋទាំងនោះ។ ឧក្រិដ្ឋជនតែងតែរិះរកនូវបច្ចេកទេសបោកបញ្ជតថ្មីៗ ដើម្បីធ្វើជាអន្ទាក់ បោកប្រាស់ដល់អ្នកប្រើប្រាស់ទូទៅ (ជាពិសេសក្នុងបណ្តាញសង្គមហ្វេសប៊ុក) សាស្ត្រាចារ្យផ្នែកព័ត៌មានវិទ្យា បញ្ជាក់ ៕