ដឹងអត់ លេខចុងក្រោយនៃឆ្នាំកំណើតអ្នក អាចបង្ហាញអាថ៌កំបាំងមិនគួរឲ្យជឿ

2018-01-18 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំកំណើត មានតួនាទីយ៉ាងសំខាន់នៅក្នុងជីវិតរបស់អ្នក ប៉ុន្តែអ្វីដែលសំខាន់បំផុតនោះ គឺតួលេខចុងក្រោយនៃឆ្នាំកំណើត។ លេខទាំងនេះ ត្រូវបានតំណាងដោយធាតុ ៥ គឺ ៖ ដែក, ភ្លើង, ដី, ឈើ និងទឹក។ ហើយធាតុទាំងនេះអាចប្រាប់បានច្រើន អំពីអត្តចរិតរបស់មនុស្ស, ទម្លាប់របស់ពួកគេ និងរឿងជាច្រើនទៀត។

ដូច្នេះ តើអ្នកកើតក្នុងឆ្នាំណាដែរ? ចូរជ្រើសរើសខ្ទង់ចុងក្រោយនៃឆ្នាំកំណើត ហើយរកធាតុរបស់អ្នក។ ឧទាហរណ៍ ប្រសិនបើអ្នកកើតឆ្នាំ ១៩៩២ អ្នកនឹងត្រូវជ្រើសរើសលេខ ៧ ដែលជាធាតុ ទឹក។

#១. លេខ ០-១ (ធាតុដែក)

អ្នកដែលមានធាតុដែក គឺជាមនុស្សឯករាជ្យ និងប្រុងប្រយ័ត្នខ្ពស់ ដោយសារតែពួកគេ មានឆន្ទៈធ្វើសកម្មភាពដោយខ្លួនឯង។ ពួកគេ ស្វែងរកការរស់នៅក្នុងភាពសុខដុមរមនា និងសេចក្ដីស្រលាញ់។

ពួកគេ ដឹងច្បាស់ពីអ្វីដែលខ្លួនចង់បាន ហើយនឹងធ្វើអ្វីគ្រប់បែបយ៉ាង ដើម្បីសម្រេចបាននូវគោលដៅដែលបានកំណត់។ គុណវិបត្តិរបស់ពួកគេ គឺការចង់បានអំណាច, របស់ប្រណិត និងលុយច្រើនពេក។ ពួកគេមានភាពចចេស និងមិនអត់ឱនចំពោះការបំពានឡើយ។

#២. លេខ ២-៣ (ធាតុទឹក)

ធាតុទឹក តំណាងឲ្យសេចក្ដីសប្បុរស, ការទាក់ទាញ និងការអាណិតអាសូរដល់មនុស្ស។ ពួកគេមានការស្រមើលស្រមៃ និងភាពច្នៃប្រឌិតដ៏អស្ចារ្យ ហើយនេះគឺជាអ្វីដែលធ្វើអោយពួកគេទទួលបានជោគជ័យនៅក្នុងអាជីពទាក់ទងនឹងសិល្បៈ។ មនុស្សប្រភេទនេះ មានវិចារណញ្ញាណខ្ពស់ និងមានលក្ខណៈលម្អិតបំផុត។

#៣. លេខ ៤-៥ (ធាតុឈើ)

ធាតុឈើ តំណាងឲ្យភាពជឿជាក់លើខ្លួនឯង និងការខិតខំធ្វើការងារខ្លាំង។ ពួកគេ មានបំណងប្រាថ្នាសម្រាប់បទពិសោធថ្មីៗ ហើយពួកគេតែងស្រមៃថានឹងស្វែងយល់ពីពិភពលោកនៅជុំវិញខ្លួន ជាមួយនឹងទីកន្លែងចម្លែកៗ ។ ពួកគេមិនដែលសម្ដែងអាកប្បកិរិយាអាត្មានិយម ឬអួតអាងនោះទេ។

#៤. លេខ ៦-៧ (ធាតុភ្លើង)

ធាតុភ្លើង តំណាងឲ្យការធ្វើដំណើរផ្សងព្រេងយ៉ាងពិតប្រាកដ ដោយសារតែពួកគេតែងស្រមៃពីការធ្វើដំណើរជុំវិញពិភពលោក។ ពួកគេ មានទម្លាប់សន្មតរឿងផ្សេងៗយ៉ាងឆាប់រហ័ស។ ជាធម្មតា មនុស្សធាតុភ្លើង មានមន្តស្នេហ៍ ហើយពួកគេដឹងពីរបៀបទាក់ទាញមនុស្ស។

#៥. លេខ ៨-៩ (ធាតុដី)

ធាតុដី តំណាងភាពអាចទុកចិត្តបាន និងមានមហិច្ឆតា។ ពួកគេពិចារណា ដោយប្រុងប្រយ័ត្នគ្រប់កិច្ចការទាំងអស់ ហើយពួកគេមិនដែលធ្វើរឿងឆ្កួតៗទេ។ មនុស្សធាតុដី ចូលចិត្តវិន័យ និងសណ្តាប់ធ្នាប់ ដូច្នេះពួកគេតែងតែរស់នៅតាមច្បាប់របស់ខ្លួន។ ភាពមិនច្បាស់លាស់ គឺជាការភ័យខ្លាចដ៏ធំបំផុតរបស់ពួកគេ៕

ចុចអាន ៖

-ការពិតនៅពីក្រោយ រឿងរ៉ាវអាថ៌កំបាំងទាំង ៧ យ៉ាង ដឹងហើយហួសចិត្ត!

-ចង់ដឹងអត់ ប្រទេសណាមានតម្លៃលិខិតឆ្លងដែន ថ្លៃជាងគេបំផុតលើលោក?

-បែកធ្លាយ ទីតាំងលាក់មកុដរាជវង្សអង់គ្លេសពីពួក Nazi អំឡុងសង្គ្រាមលោកលើកទី ២

ប្រភព៖ interesting-facts ប្រែសម្រួល៖ រ័ត្ន