រកទូរសព្ទតម្លៃធូរថ្លៃ កុំភ្លេចទៅផ្សារសាំហាន់ មានត្រឹម ២ ទៅ ៣ ម៉ឺនក៏អាចទិញបាន

2018-01-18 03:18:36
ចំនួនមតិ 0 | ចំនួនចែករំលែក 0

ចន្លោះមិនឃើញ

បើអ្នកជិះម៉ូតូកាត់តាមរបងវត្ត ទួលសង្កែទៅផ្សារធំទួលសង្កែឬផ្សារសាំហាន់អ្នកនិងឃើញមានតុដាក់លក់ទូរសព្ទជាច្រើននៅតាមរបងវត្តនេះ។កន្លងមក Sabay ក៏ធ្លាប់បានចុះផ្សាយម្ដងរួចមកហើយពីទូរសព្ទដាក់លក់តាមផ្លូវនេះ ។

មិនមែនជាតូបលក់សាច់គោទេ ជាកន្លែងលក់ទូរសព្ទក្រោមឆត្រ មានត្រឹម ៣ ម៉ឺនរៀលក៏អាចទិញបាន

លោក ឆយ សុគុណ ជាអ្នកលក់នៅទីនេះកំពុងអង្គុយតម្រៀបទូរសព្ទដាក់នៅលើតុនិងជជែកតថ្លៃជាមួយអ្នកលក់ " ទូរសព្ទនិងតម្លៃ ៣ម៉ឺនរៀលបង"(សម្ដីអ្នកលក់ ) "សូម ២ម៉ឺន ៥ ពាន់បានហើយ" (សម្ដីអ្នកទិញ) "បើ ២ម៉ឺន ៥ អត់បានឆ្នាំងសាក់ទេ"។លោកបានប្រាប់ Sabay ថា "ខ្ញុំប្រកបរបរនេះអស់រយះពេល ៥ ឆ្នាំមកហើយមុនមានអ្នកលក់ដូរនៅទីនេះមានមិនច្រើនទេតែឥឡូវមានអ្នកមកលក់ច្រើនជាងមុនតែសម្រាប់ខ្ញុំវិញនៅតែមានអ្នកទិញមិនដាច់រាល់ថ្ងៃនិង ដោយមួយថ្ងៃខ្ញុំលក់ដាចពី១០ទៅ២០គ្រឿង(ទូរសព្ទធម្មតា) មានចាប់ពីតម្លៃ ២ម៉ីន៥ពាន់ រហូតដល់ ២០ម៉ីនហើយតម្លៃលើសនិងខ្ញុំឈប់យកមកលក់ហើយព្រោះថ្លៃពេកមិនសូវមានអ្នកទិញ" សម្ដីលោក សុគុណ។

មិនខុសពីអ្នកលក់ក្បែរគ្នាមួយរូប ដែលមិនបានប្រាប់ឈ្មោះក៏បានប្រាប់ Sabay ថាមួយថ្ងៃៗលក់ដាចគួរសមដែរដោយពីមុនអ្នកស្រីដាក់លក់នៅក្នុងផ្សារមិនសូវមានអ្នកទិញ បន្ទាប់មកអ្នកស្រីក៏ប្ដូរមកលក់នៅទីនេះដែរព្រោះថាមានការចាប់អារម្មណ៍ពីអ្នកទិញគួរសមដែរ ។ អ្នកទិញភាគច្រើនមិនសូវតថ្លៃច្រើនទេឲ្យតែមើលទូរសព្ទត្រូវទិញយកតែម្ដងហើយតម្លៃវិញអ្នកស្រីក៏លក់ធូរថ្លៃជាងនៅក្នុងផ្សារដែរព្រោះនៅទីនេះមិនអស់ចំណាយលើថ្លៃជួលតូបទេ។

ងាកមកលោក សុខុន ដែរកំពុងទិញទូរសព្ទនៅទីនេះបានប្រាប់ថាលោកមកទិញនៅទីនេះព្រោះទូរសព្ទគេលក់មានតម្លៃធូរថ្លៃជាងនៅក្នុងផ្សារ ណាមួយគុណភាពអាចនៅប្រើប្រាស់បាន។ លោកបន្តថាបើទិញទូរសព្ទគ្រាន់តែដាក់ស៊ីមអាចនិយាយបាន(ទូរសព្ទធម្មតា) តម្លៃ ៣ ទៅ ៤ម៉ឺនលោកប្រាប់មិត្តភ័ក្ដិឲ្យមកទិញនៅទីនេះ តែបើទូរសព្ទមានតម្លៃថ្លៃជាងនិងលោកទៅទិញនៅហាងព្រោះមានទំនុកចិត្តជាង។

ចុះប្រិយមិត្តវិញធ្លាប់បានទៅទិញទូរសព្ទនៅទីនេះប្រើដែរទេ?