Uber ជួលអតីតវិស្វករថ្មនៅ Tesla គម្រោងតាក់ស៊ីហោះលើអាកាស
- 2018-01-19 03:14:24
- ចំនួនមតិ 0 | ចំនួនចែករំលែក 0
Uber ជួលអតីតវិស្វករថ្មនៅ Tesla គម្រោងតាក់ស៊ីហោះលើអាកាស
ចន្លោះមិនឃើញ
ក្រុមហ៊ុនអាកាសចរណ៍ និងក្រុមហ៊ុនមួយចំនួន ដូចជា Boeing, Airbus, Embraer, Lilium, VolocopterនិងLindbergh មានការចាប់អារម្មណ៍លើគំនិតគម្រោងតាក់ស៊ីហោះលើអាកាស ក្នុងការកាត់បន្ថយការកកស្ទះក្នុងក្រុង ពេលធ្វើដំណើរពីគោលដៅមួយ ទៅគោលដៅមួយ។
ក្រុមហ៊ុនមួយចំនួនគិតពីតម្រូវការពង្រីកសមត្ថភាពម៉ាស៊ីន ក្រុមហ៊ុន Uber ផ្ដោតលើការបង្កើតថ្មថ្មី ដោយមានដង់ស៊ីតេថាមពលខ្ពស់ និងទម្ងន់ស្រាល ដោយបានជួលវិស្វករថ្មជាន់ខ្ពស់ ពីមុនធ្វើការឲ្យក្រុមហ៊ុន Tesla គឺអ្នកស្រី Celina Mikolajczak។
យោងតាម The Verge អ្នកស្រី Mikolajczak មានមុខងារវិភាគសមាសធាតុ និងគុណភាពថ្មកាលនៅក្រុមហ៊ុន Tesla ដោយទទួលខុសត្រូវក្នុងការរចនាផលិត និងបង្កើតថ្ម។
បច្ចុប្បន្ន អ្នកស្រី ជានាយកប្រព័ន្ធវិស្វកម្ម នៅ Uber ដោយធ្វើការជាមួយលោក Mark Moore ជាប្រធានផ្នែកបច្ចេកទេសនៅមជ្ឈមណ្ឌលស្រាវជ្រាវ Langley របស់ NASA។
ក្រុមហ៊ុន Uber បញ្ជាក់ថា ខ្លួននឹងបង្ហាញវត្តមានសេវាតាក់ស៊ីហោះលើអាកាស VTOL ក្នុង Dubai, Dallas-Fort Worth និង Los Angeles នៅពីរបីឆ្នាំបន្ទាប់។
Dubai មានការឈានមុខលើផ្នែកនេះដោយបានសាកល្បង Drone អគ្គិសនីផ្ទុកអ្នកដំណើរពីរអ្នករួចមកហើយតែ Device នោះមិនមែន VTOL ដូចក្រុមហ៊ុន Uber ចង់ធ្វើនោះទេ៕
ប្រភព៖ https://cleantechnica.com/2018/01/10/uber-hires-former-tesla-battery-engineer-flying-taxi-program/
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
