កាមេរ៉ាដែលមិនសូវប្រើ សូមទុកដាក់តាមវិធីនេះបើមិនចង់ឲ្យឆាប់ខូច

2018-01-20 04:01:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនបើអ្នកទុកកាមេរ៉ាមិនប្រើរយៈពេលមួយច្រើនជាងមួយសប្តាហ៍ អ្នកគួរដឹងពីរបៀបទុកដាក់កាមេរ៉ានៅទីសុវត្ថិភាព ពីព្រោះ បើអ្នកទុកដាក់មិនត្រឹមត្រូវ កាមេរ៉ាអ្នកអាចមានបញ្ហា។

១. មិនគួរដាក់ជិតឧបករណ៍អេឡិចត្រូនិក

ពេលអ្នកទុកដាក់កាមេរ៉ា អ្នកមិនគួរដាក់កាមេរ៉ានៅជិតនឹងឧបករណ៍អេឡិចត្រូនិកផ្សេងនោះទេ ដែលអាចបង្កើតជាដែនម៉ាញេទិចបាន។ ការប៉ះនឹងដែនម៉ាញេទិចខ្លាំងរយៈពេលយូរ អាចធ្វើឲ្យខូចអេក្រង់ LCD កាមេរ៉ា ឬសមាសធាតុអេឡិចត្រូនិកផ្សេងទៀត។

២. ប្រយ័ត្នប្រយែងពីសីតុណ្ហភាព

អ្នកគួរប្រាកដថា ទីតាំងអ្នកទុកដាក់កាមេរ៉ា មិនមានសីតុណ្ហភាពខ្លាំងពេក។ កម្រិតក្តៅពេកអាចខូចផ្នែកខាងក្រៅកាមេរ៉ា ហើយកម្រិតត្រជាក់ពេកអាចខូចអេក្រង់ LCD កាមេរ៉ា។

៣. គួរជៀសពីសំណើមខ្ពស់

អ្នកមិនគួរទុកដាក់កាមេរ៉ានៅទីតាំងសើមខ្លាំង ព្រោះអាចធ្វើឲ្យខូចសមាសធាតុរបស់កាមេរ៉ា ឧទាហរណ៍ សំណើមក្នុង Lens ឬក្នុងកាមេរ៉ាតែម្តង ដែលអាចធ្វើឲ្យប៉ះពាល់ដល់រូបភាព និងបំផ្លាញគ្រឿងអេឡិចត្រូនិកខាងក្នុងរបស់កាមេរ៉ា។

៤. គួរជៀសវាងពន្លឺព្រះអាទិត្យ

អ្នកមិនគួរទុកដាក់កាមេរ៉ា នៅទីតាំងអាចទទួលពន្លឺព្រះអាទិត្យភ្លឺខ្លាំងនោះទេ។ ដូចដឹងស្រាប់ ពន្លឺព្រះអាទិត្យអាចបង្កើនកម្តៅ អាចបំផ្លាញផ្នែកខាងក្រៅកាមេរ៉ាបាន។

៥. ការការពារកាមេរ៉ា

បើអ្នកទុកដាក់កាមេរ៉ាច្រើនជាងមួយខែ គួរដាក់ក្នុងថង់ប្លាស្ទិក ដើម្បីការពារសំណើម ឬអាចទុកក្នុងកាបូបកាមេរ៉ាតែម្តង គ្រាន់តែប្រាកដថា ទុកដាក់កាបូបនៅទីតាំងស្ងួតល្អ។