គេចមករស់នៅក្នុងប្រាសាទខ្សាច់ អស់២២ឆ្នាំ ត្រូវគេហៅ «ស្តេច» គ្រប់គ្នា ព្រោះហេតុផលមួយ

2018-01-21 03:52:57
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិប្រេស៊ីលម្នាក់មានឈ្មោះថា Marcio Mizael Matolias បានមករស់នៅក្នុងប្រាសាទខ្សាច់មួយអស់រយៈពេល ២២ឆ្នាំ ដើម្បីគេចពីការជួលផ្ទះដែលមានតម្លៃថ្លៃ នៅឯស្រុកមួយនៃទីក្រុង Rio de Janeiro ប្រទេសប្រេស៊ីល។

បុរសវ័យ ៤៤ ឆ្នាំដែលត្រូវអ្នកស្រុកហៅថា «ស្ដេច» គ្រប់គ្នាខាងលើមានទម្លាប់ចំនួន ៣ គឺ ចូលចិត្តអានសៀវភៅ , វាយកូនគោល និង នេសាទ។

ជាមួយគ្នានេះដែរ លោក Marcio ឬគេតែងហៅថា King Marcio ចូលចិត្តអង្គុយនៅលើកៅអី ដើម្បីស្រូបយកខ្យល់អាកាសដ៏បរិសុទ្ធ និងថតរូបនៅចំពោះមុខផ្ទះប្រាសាទរបស់ខ្លួន ដោយក្នុងដៃមានកាន់ដំបងរាជ្យមួយដើមទៀតផង។

ផ្ទុយទៅវិញ បុរសជាប់ងារជាស្ដេចរូបនេះ មិនដូចជាស្ដេចពិតប្រាកដដទៃឡើយ ព្រោះលោកត្រូវទទួលរ៉ាប់រងជួសជុលរាជវាំងរបស់ខ្លួន ដោយសារតែវាត្រូវបានសាងសង់ឡើងពីដីខ្សាច់។

លោក Marcio បាននិយាយថា «ខ្ញុំបានធំឡើងនៅលើឈូងសមុទ្រ Guanabara ហើយខ្ញុំតែងតែរស់នៅលើឆ្នេរសមុទ្រ។ មនុស្សមួយចំនួនចំណាយលុយយ៉ាងច្រើន ដើម្បីរស់នៅមុខសមុទ្រ»។

បើទោះបីជាប្រាសាទខ្សាច់របស់ លោក Marcio មើលពីខាងក្រៅអស្ចារ្យ ប៉ុន្តែវាមានទំហំត្រឹមតែ ៣ម៉ែត្រការ៉េប៉ុណ្ណោះ ហើយខាងក្នុងពោរពេញទៅដោយសៀវភៅ។

បុរសនៅលីវ និងគ្មានកូនរូបនេះបាននិយាយថា «ខ្សាច់បានស្រូបយកកម្ដៅទាំងអស់ ដូច្នេះពេលខ្លះ ខ្ញុំមិនអាចដេកនៅទីនេះបានឡើយនៅពេលយប់។ ខ្ញុំនឹងទៅដេកនៅផ្ទះមិត្តភ័ក្ដិ ប៉ុន្តែខ្ញុំចូលចិត្តដេកនៅទីនេះជាង បើទោះជាខ្ញុំត្រូវដេកខាងក្រៅក្បែរសមុទ្រក៏ដោយ»៕

ចុចអាន៖

ប្រភព៖ Mirror ប្រែសម្រួល៖ សេង ឡុង