កែវ រំចង់៖ ទម្រាំភរិយាឆ្លងទន្លេ អាចសន្សំលុយវ៉ៃបាន ២-៣ ប្រកួតទៀតដែរ

2018-01-23 02:46:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងជួរមុខរបស់ប្រទេសកម្ពុជាមកពីខេត្តបាត់ដំបង កែវ រំចង់ ថា ភរិយារបស់ខ្លួនពេលនេះពពោះបានជាង៧ខែមកហើយ ដូចនេះទម្រាំដល់ពេលសម្រាលអាចឡើងប្រកួតបាន ២-៣ដង សន្សំលុយត្រៀមទុក។

កែវ រំចង់ ទាត់ថៃឲ្យខូចជើងសប្ដាហ៍មុន

កែវ រំចង់ ប្រាប់ឲ្យដឹងថា បច្ចុប្បន្ននេះភរិយារបស់ខ្លួនពពោះកំណើតកូនស្រីបានជាង៧ខែមក ហើយ បើគិតទៅអាចថា ប្រហែលជិត២ខែទៀតដល់ពេលសម្រាលផងដែរ។ ដោយបច្ចុប្បន្ននេះពេលសម្រាលម្ដងៗត្រូវការថវិកាច្រើនគួរសមដែរ ដូច្នេះត្រូវតែរកត្រៀមជាបណ្ដើរៗទម្រាំដល់ពេលនោះ។

កែវ រំចង់ ពេលឈ្នះថៃពីមុន

អ្នកលេងគុនខ្មែររូបនេះបន្ថែមទៀតថា ឥលូវនេះការវិលចូលសង្វៀនជាថ្មីនេះ ក៏អាចជាការប្រកួតសន្សំលុយដើម្បីទុកឲ្យប្រពន្ធសម្រាលផងដែរ ព្រោះនៅពេលដែលប្រថុចញ៉ុចមិនដឹងជាទៅរកឯណានោះទេដូច្នេះត្រូវត្រៀម។ ទម្រាំដល់ពេលសម្រាលនោះ កីឡាករមានកេរ្តិ៍ឈ្មោះខាងលើ ថា អាចបាន២-៣ប្រកួតទៀតដែរ។

កែវ រំចង់ ឈ្នះពីរលើកជាប់គ្នា

កែវ រំចង់ រៀបការជាមួយអ្នកស្រី ហម នីតា បានរយៈពេល៦ឆ្នាំមកហើយ ដោយមានកូនស្រីម្នាក់ឈ្មោះ កែវ ស្រីកា អាយុ ៥ឆ្នាំ និងបច្ចុប្បន្នភរិយាយរបស់ខ្លួនកំពុងពពោះកូនស្រីទី២ បានជាង៧ខែមកហើយ។ ប្រកួតចុងក្រោយកាលពីថ្ងៃអាទិត្យសប្ដាហ៍នេះនៅសង្វៀនបាយ័នស្ទឹងមានជ័យ អ្នកតំណាងឲ្យកម្ពុជារូបនេះផ្ដួលថៃឲ្យសន្លប់ទឹកទី២៕

អត្ថបទ៖ នួន ស៊ីណា