ទីបំផុត Kylie Jenner បង្ហាញខ្លួនក្នុងរូបថតប៉ុន្តែនៅលាក់ត្រង់ក្បាលពោះ

2018-01-23 08:23:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងនិងម៉ូដែល Kylie Jenner ដែលកំពុងតែលាក់មុខមិនបង្ហាញខ្លួនខណៈពេលនាងមានផ្ទៃពោះ ពេលនេះសម្រេចចិត្តបង្ហាញខ្លួនលើកដំបូងនៅលើរូបថតពីរសន្លឹកជាមួយក្រុមគ្រួសារសម្រាប់ផ្សព្វផ្សាយខោក្នុងម៉ាក Calvin Klein។

គិតត្រឹមពេលនេះ Kylie បានលាក់មុខអស់រយៈពេលជិត ៥ ខែហើយ នេះដោយសារតែនាងត្រូវរៀបចំខ្លួនដើម្បីក្លាយជាម្ដាយនិងចង់បានពេលវេលាផ្ទាល់ខ្លួនខ្លះ។

នៅក្នុងរូបថត Kylie បានគេងលើគ្រែជាមួយបងៗនាងដូចជា Kim, Khloe, Kendall និង Kourtney ដែលពួកគេទាំងអស់សុទ្ធតែស្លៀកខោក្នុង Calvin Klein ក៏ប៉ុន្តែ Kylie មិនបង្ហាញឲ្យគេឃើញពីល្វែងក្រោមនិងក្បាលពោះនាងឡើយ។

ទោះជាយ៉ាងណាក៏ដោយ រូបថតនេះមិនមែនថតភ្លាមៗនោះទេ បើសម្លឹងមើលឲ្យជាក់លាក់ទើបយើងឃើញថា ក្បាលពោះរបស់ Khloe Kardashians គឺមិនទាន់ធំខ្លាំងនៅឡើយ។ នៅក្នុងរូបនេះដែរ គេសង្កេតឃើញ Kylie លាក់បាំងផ្នែកពោះខ្លួនដោយប្រើភួយ ចំណែកឯ Khole គ្រាន់តែយកដៃបាំងតែប៉ុណ្ណោះ។

Kylie ត្រូវគេរំពឹងថានឹងសម្រាលកូនខែមិនាឆ្នាំនេះហើយ មូលហេតុធំបំផុតដែលនាងមិនចង់បង្ហាញខ្លួនព្រោះ នាងចង់មានពេលវេលាផ្ទាល់ខ្លួនខ្លះ និងមិនចង់ឲ្យអ្នកដទៃចំអករូបរាងនាង ដូចកាល Kim Kardashians មានផ្ទៃពោះ៕