គ្រូ ទ័ព មើលឃើញ កីឡាករបរទេសទេសឆ្នាំនេះល្អជាងកូរ៉េខាងជើង
- 2018-01-23 07:30:00
- ចំនួនមតិ 0 | ចំនួនចែករំលែក 0
គ្រូ ទ័ព មើលឃើញ កីឡាករបរទេសទេសឆ្នាំនេះល្អជាងកូរ៉េខាងជើង
ចន្លោះមិនឃើញ
លោក ទេព ឡុងរចនា គ្រូបង្វឹកក្រុមក្រសួងការពារជាតិ (ទ័ព) មើលឃើញថា កីឡាករបរទេសរបស់ខ្លួនក្នុងឆ្នាំនេះ អាចល្អជាងកូរ៉េខាងជើងកាលពីឆ្នាំមុន។
ក្រោយទៅចូលរួមប្រកួតពានរង្វាន់អន្តរជាតិ ជាលក្ខណៈមិត្តភាពកម្ដៅសាច់ដុំដកស្រង់បទពិសោធនៅប្រទេសឥណ្ឌូណេស៊ី និងបានត្រឡប់មកដល់កម្ពុជាព្រឹកមិញ គ្រូបង្វឹកកម្រិត A-License រូបនេះពន្យល់ពីកម្រិតកីឡាករបរទេសរបស់ខ្លួនឆ្នាំនេះថា « ជាការពិតលោកមើលឃើញសមត្ថភាពកីឡាករបរទេសរបស់ទ័ពឆ្នាំនេះ ទំនងល្អជាងឆ្នាំមុនផង។ យ៉ាងហោចណាស់ក៏អាច នឹងធ្វើបានល្អប្រហែលគ្នាដែរ បើធ្វើការប្រៀបធៀបគ្នារវាងកីឡាករបរទេស ទាំង ៥ នាក់ឆ្នាំមុន និងឆ្នាំនេះ» ។
កីឡាករបរទេសរបស់ទ័ពឆ្នាំថ្មីនេះមាន កីឡាករកូរ៉េខាងត្បូង ៣នាក់ គឺខ្សែប្រយុទ្ធ Lee Junheob, ខ្សែការពារ Yoo Jae Ho ខ្សែប្រយុទ្ធ Na Hyosung រួមទាំងកីឡាករជប៉ុន ២នាក់ ខ្សែបម្រើ Yudai Ogawa ខ្សែប្រយុទ្ធ Daiki Matsumoto ។ ចំណែកកីឡាករកូរ៉េខាងជើងរបស់ទ័ពកាលរដូវកាលមុន ទាំង ៥ រូប ដែលអ្នកគាំទ្រមើលឃើញថា លេងល្អបានទៅចូលរួមជាមួយ វិសាខា ហើយ សម្រាប់រដូវកាលថ្មី ដែលគ្រោងចាប់ផ្ដើមដើមខែមីនា ឆ្នាំ២០១៨៕