ជប៉ុន ចាប់ដៃឥណ្ឌាបង្កើតទាហានបច្ចេកវិទ្យា AI ដើម្បីទប់ទល់មហិច្ឆតាចិន
- 2018-01-24 03:21:03
- ចំនួនមតិ 0 | ចំនួនចែករំលែក 0
ជប៉ុន ចាប់ដៃឥណ្ឌាបង្កើតទាហានបច្ចេកវិទ្យា AI ដើម្បីទប់ទល់មហិច្ឆតាចិន
ចន្លោះមិនឃើញ
ព្រោះតែកំណើនកម្ដៅភាពប្រកួតប្រជែងផ្នែកបច្ចេកវិទ្យាយោធារបស់ចិន និងកូរ៉េខាងជើងប៉ុន្មានឆ្នាំចុងក្រោយនេះ ធ្វើឲ្យប្រទេសមហាអំណាចបច្ចេកវិទ្យានៅសមុទ្រអាស៊ីដូចជាជប៉ុន បានចាប់ដៃជាមួយឥណ្ឌាក្នុងការអភិវឌ្ឍកងកម្លាំងពិសេសមនុស្សយន្តមានបំពាក់បច្ចេកវិទ្យា AI។
លោករដ្ឋមន្ត្រីការបរទេសជប៉ុនបញ្ជាក់ថា នេះមិនមែនជាការសហការលើកទីមួយរវាងប្រទេសទាំងពីរក្នុងការអភិវឌ្ឍបច្ចេកវិទ្យាយោធានោះទេ ពោលពួកគេធ្លាប់អភិវឌ្ឍរួមគ្នាច្រើនដងរួចហើយនូវបច្ចេកវិទ្យារថពាសដែកបើកស្វ័យប្រវត្តិ និងគ្រឿងយន្តយោធាជាច្រើនផ្សេងទៀត។
រដ្ឋមន្ត្រីដដែលបញ្ជាក់ថា នឹងដាក់ដំណើរការសម្ព័ន្ធដើម្បីបង្កើនភាពសហការ និងសម្រួលការងារនានារបស់ក្រុមហ៊ុនគ្រប់គ្រង និងអភិវឌ្ឍថាមពលនុយក្លេអ៊ែររបស់ប្រទេសទាំងពីរនៅចុងខែមករា ២០១៨ នេះ។
មូលហេតុនៃការពន្លឿនកិច្ចសហប្រតិបត្តិការផ្នែកយោធានៃប្រទេសមហាអំណាចទាំងពីរនេះ គឺស្របពេលដែលអាមេរិក និងចិនបានពង្រីកទំហំ និងចំនួនសមយុទ្ធយោធានៅអាស៊ីអាគ្នេយ៍កាន់តែច្រើន ខណៈគោលនយោបាយ "ផ្លូវសូត្រ” ដើម្បីក្ដោបសេដ្ឋកិច្ចពិភពលោករបស់ចិន៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...
អានអត្ថបទបន្ទាប់