SAMSUNG ចេញលក់ SSD ពីរម៉ូដែល ត្រូវម៉ាច់អ្នកនិយមថតវីដេអូ 4K

2018-01-25 02:01:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន SAMSUNG បានប្រកាសចេញផ្សាយនូវ SSD ជំនាន់ថ្មី ២ ម៉ូដែលរួមមាន 860 PRO និង 860 EVO ។ ក្រោយស្គាល់ជោគជ័យលើត្រកូល 850 ជំនាន់ទៅ ឧស្សាហកម្មផលិត Solid State Drives របស់ក្រុមហ៊ុនកូរ៉េខាងត្បូងក៏ចាប់ផ្ដើមអភិវឌ្ឍទាំងទំហំផ្ទុក, ល្បឿន និងភាពដែលទុកចិត្តបាន។

អនុប្រធានជាន់ខ្ពស់លោក Un-Soo Kim បានបញ្ជាក់ដូច្នោះថា "SSD ជំនាន់ក្រោយ 860 PRO និង 860 EVO ជាការបន្សំនៃ V-NAND ទំហំ 512GB និង 256GB ក្នុងការផ្ដល់បទពិសោធន៍ថ្មីសម្រាប់អ្នកប្រើប្រាស់និងម្ចាស់អាជីវកម្មទាំងមូល"។

គូសបញ្ជាក់ថាប្រភេទ 860 PRO មានលក់ក្នុងជម្រើស 256GB, 512GB, 1TB, 2TB និង 4TB5 ដោយអង្គផ្ទុកខ្ពស់បំផុតនេះអាចរក្សាទុកវីដេអូ 4K Ultra HD ដល់ទៅ ១១៤ ម៉ោង និង ៣០ នាទី។ ចំណែកម៉ូដែល 860 EVO មាន 250GB, 500GB, 1TB, 2TB និង 4TB6 អមជាមួយបច្ចេកវិទ្យា TurboWrite7 មានល្បឿន Read និង Write ដល់ទៅ 550MB/វិនាទីឯណោះ។

បច្ចុប្បន្នចំពោះម៉ូដែល EVO មានលក់លើគេហទំព័រ Amazon ស្របពេល Pro នឹងលេចវត្តមានលើទីផ្សារក្នុងពេលឆាប់ៗ ជាមួយតម្លៃចាប់ផ្ដើមពី ១៣៩.៩៩ ដុល្លារ និង ៩៤.៩៩ ដុល្លារ ។