ដើម្បី​ឲ្យ​អតិថិជន​ដែល​មិន​ចង់​ចំណាយ​ថវិកា​ខ្ទង់​ពាន់​ដុល្លារ​ដើម្បី​បាន​ ​Drone​ ​ដែល​មាន​សមត្ថភាព​ថត​វីដេអូ​ដល់​កម្រិត​ ​4K​ ​មក​ប្រើប្រាស់​ ​ជើង​ខ្លាំង​ផលិត​ ​Drone​ ​របស់​ចិន​ ​DJI​ ​ទើប​ចេញ​ម៉ូដែល​ពិសេស​ខ្នាត​តូច​សមត្ថភាព​ថត​កម្រិត​ខ្ពស់​ ​ហើយ​មាន​តម្លៃ​ប្រមាណ​តែ​ ​៧៩៩​ ​ដុល្លារ ។

Drone​ ​ជំនាន់​ថ្មី​របស់​ ​DJI​ ​មាន​ម៉ូដែល​ ​Mavic Air​ ​បំពាក់​ ​Sensor​ ​កាមេរ៉ា​ទំហំ​ ​១២​ ​មេហ្គាភិចសែល​ ​មាន​មុខងារ​ថត​ ​៣៦០​ ​ដឺក្រេ​ ​រួម​សមត្ថភាព​ថត​វីដេអូ​ក្នុង​កម្រិត​ ​4K​ ​ល្បឿន​ ​២៤​ ​និង​ ​៣០fps, 2.7K​ ​ល្បឿន​ ​៦០fps, FHD​ ​និង​ ​HD​ ​ក្នុង​ល្បឿន​ ​១២០fps​ ​ដែល​ងាយ​សម្រាប់​ការ​ផលិត​វីដេអូ​ប្រភេទ​ ​Slow Motion។

ទម្ងន់​ប្រមាណ​ ​៤៣០​ ​ក្រាម​ ​DJI Mavic Air​ ​អាច​ហោះ​ដល់​ល្បឿន​ ​៧០​ ​គីឡូម៉ែត្រ​ក្នុង​មួយ​ម៉ោង​ ​ហើយ​ពេល​មាន​ខ្យល់​ល្មម​ ​Drone​ ​ដ៏​តូច​នេះ​អាច​ហោះ​ក្នុង​ល្បឿន​ ​៣៥​ ​គីឡូម៉ែត្រ​ក្នុង​មួយ​ម៉ោង​ ​ហើយ​អាច​ហោះ​ចេញ​ពី​ឧបករណ៍​បញ្ចេញ​ក្នុង​រយៈ​ចម្ងាយ​ប្រមាណ​ ​៣​ ​គីឡូម៉ែត្រ។

DJI Mavic Air​ ​នឹង​ចេញ​លក់​ចាប់​ពី​ថ្ងៃ​ ​២៨​ ​មករា​ ​២០១៨​ ​ជា​មួយ​តម្លៃ​ ​៧៩៩​ ​ដុល្លារ (នៅ​បរទេស)​ ​និង​មាន​បី​ជម្រើស​ពណ៌​ដូច​ជា​ក្រហម ស និង​ខ្មៅ៕

ទទួល​បាន​ព័ត៌មាន​ថ្មីៗ​ ​គន្លឹះ​មាន​ប្រយោជន៍​រួម​ទាំង​ចំណេះដឹង​ផ្សេង​ៗ​ពី​បច្ចេកវិទ្យា​ Like Page Sabay News Technology...

អាន​អត្ថបទ​បន្ទាប់

• Mr.ATM ចេញ​ Version ថ្មីជួយ​រក​ទូ ATM បាន​រហ័ស​ក្នុង​​ទីក្រុង​ភ្នំពេញ​
• ប្រយ័ត្នទៅ ចេញ​រោគ​សញ្ញា​បែប​នេះ ដឹង​ភ្លាម​ថា​ហ្រ្វាំង​រថយន្ត​របស់​អ្នក​កំពុង​មាន​បញ្ហា

ប្រភព៖ redmondpie   ប្រែ​សម្រួល៖ រដ្ឋ