ចម្រូងចម្រាស់រវាង Neymar និងអ្នកគាំទ្រក្លឹបពីសប្ដាហ៍មុន ធ្វើឲ្យអ្នកចាត់ការនៅមិនសុខ ចេញមុខហើយ!
- 2018-01-24 12:46:15
- ចំនួនមតិ 0 | ចំនួនចែករំលែក 0
ចម្រូងចម្រាស់រវាង Neymar និងអ្នកគាំទ្រក្លឹបពីសប្ដាហ៍មុន ធ្វើឲ្យអ្នកចាត់ការនៅមិនសុខ ចេញមុខហើយ!
ចន្លោះមិនឃើញ
អ្នកចាត់ការក្លឹប PSG លោក Unai Emery ក្នុងថ្ងៃនេះ បាននិយាយថា អ្នកគាំទ្រក្លឹបស្រលាញ់ និងគាំទ្រ Neymar។
លោក Emery បានថ្លែងប្រាប់អ្នកសារព័ត៌មានថា៖ "អ្នកគាំទ្រក្លឹប PSG ស្រលាញ់កីឡាករទាំងអស់របស់ក្លឹប។ ខ្ញុំជឿក្នុងចិត្តថា ពួកគេគឺសប្បាយចិត្តណាស់ ពេលដែល Neymar លេងឲ្យក្លឹប"។
អ្នកចាត់ការរូបនេះបានបន្ត៖ "Neymar សប្បាយចិត្តណាស់ ពេលដែលគេបានចូលលេង និងមានបាល់លេង។ គេលេងដើម្បីក្រុម មិត្តរួមក្រុម និងអ្នកគាំទ្រទាំងមូល។ ដូច្នេះខ្ញុំច្បាស់ក្នុងចិត្តថា អ្នកគាំទ្រក្លឹប PSG នឹងនៅតែបន្តគាំទ្រ Neymar និងកីឡាករផ្សេងទៀតក្នុងក្លឹប"។
សូមបញ្ជាក់ផងដែរថា កាលពីសប្ដាហ៍មុន ក្នុងការប្រកួតជាមួយ Dijon មានអ្នកគាំទ្រក្លឹប PSGជាច្រើនបានបញ្ចេញសំឡេងមិនពេញចិត្តទៅលើ Neymar ដែលមិនព្រមឲ្យខ្សែប្រយុទ្ធ Edinson Cavani ស៊ុតបាល់ប៉េណាល់ទីដើម្បីបំបែកកំណត់ត្រាស៊ុតច្រើនជាងគេឲ្យក្លឹបរបស់ Zlatan Ibrahimovic។ នៅពេលនោះ បើទោះជាអ្នកគាំទ្រខំទទូចហៅឈ្មោះ Cavani ជាច្រើនលើកក្នុងន័យចង់ឲ្យខ្សែប្រយុទ្ធអ៊ុយរុយហ្គាយស៊ុតបាល់ពិន័យ ខ្សែប្រយុទ្ធ Neymar ហាក់មិនរវីរវល់រួចក៏រើសបាល់មកស៊ុតខ្លួនឯង សម្រេចគ្រាប់បាល់ទី ៤របស់ខ្លួនក្នុងប្រកួតនោះ។
រហូតមកទល់ពេលនេះ Neymar ស៊ុតបាន ២៤គ្រាប់ហើយ ឲ្យ PSG ក្នុងការបង្ហាញខ្លួន ២៣លើកឲ្យក្លឹប៕