មុនជះលុយទិញ One Plus 5 និង 5T មើលត្រួសៗពីចំណុចពិសេសវាសិន

2018-01-25 01:48:22
ចំនួនមតិ 0 | ចំនួនចែករំលែក 0

ចន្លោះមិនឃើញ

OnePlus 5 និង OnePlus 5T ជាប្រភេទទូរសព្ទ Android ដ៏ល្អមួយ។ ក្រុមការងារ OnePlus បានធ្វើការជាច្រើន ដើម្បីពង្រឹងបទពិសោធន៍លើមុខងារជាច្រើនជូនអតិថិជន។

1/Customize Alert Slider

នៅចំហៀងខាងឆ្វេងទូរសព្ទ មានប៊ូតុងមួយអាចរុញទៅលើ ឬចុះក្រោម រួមទាំងទីតាំងនៅកណ្តាលផងដែរ។ ទីតាំងនីមួយៗមានមុខងារដំណើរការផ្សេងគ្នា ឧទាហរណ៍ ខាងលើបើកដំណើរការ Silent mode, នៅកណ្តាលបើកដំណើរការ Do Not Disturb និង ខាងក្រោមបើកដំណើរការ Ring។

អ្នកអាចកែប្រែដំណើរការពេលប៊ូតុងប្តូរទីតាំងបាន ដោយបើកកម្មវិធី Settings > Alert slider ក្រោមផ្នែក Customization > អាចជ្រើសរើស ដូចជាទូរសព្ទគួរញ័រ ឬអត់ពេល Silent mode ដំណើរការ។

2/Customize ប៊ូតុង

នៅផ្នែក Customization ក្នុងកម្មវិធី Settings អាចកែសម្រួលសមត្ថភាពប៊ូតុងក្នុងការដំណើរការបាន។ អ្នកជ្រើសរើសយក Buttons ដើម្បីពិនិត្យមើលជម្រើសជាច្រើន។

អាចប្តូរមុខងារដំណើរការរវាងប៊ូតុងនៃ Fingerprint sensor និង Home បាន ឬក៏បើកដំណើរការលើ On-screen navigation bar (ផ្ទាំងបង្ហាញជម្រើសកម្មវិធីនានា) ជំនួស។ ក៏មានជម្រើសកែប្រែការចុចមួយដង (Short press) ឬចុចឲ្យជាប់បាន (Long press) លើប៊ូតុងទាំងបីទីតាំង។

3/ប្រើប្រាស់ Gestures

នៅត្រង់ផ្នែក Customization ក្នុងកម្មវិធី Settings ដដែល អាចប្រើ Gesture ដូចជា ចុចពីរដងលើអេក្រង់ ដើម្បីបើកដំណើរការទូរសព្ទ ឬគូរជាអក្សរលើអេក្រង់ Locked ដើម្បីដំណើរការកម្មវិធី ឬបិទសំឡេងទូរសព្ទពេលផ្កាប់លើតុ។

4/ផ្លាស់ប្ដូរ Font

អ្នកអាចផ្លាស់ប្ដូរ Font អក្សរបាន តែបច្ចុប្បន្នមានជម្រើសតិចអាចជា Roboto (Font Default របស់ Android) និង OnePlus Slate។ ចូលទៅកាន់កម្មវិធី Settings > Font ហើយជ្រើសរើស Font ចង់ប្រើ។ ចំពោះការផ្លាស់ប្ដូរនេះ ចំណាយពេលប្រហែលជាប៉ុន្មានវិនាទី ដោយមិនតម្រូវបិទបើក Device ឡើយ។

5/ដកចោល Shelf

OnePlus Shelf មានទីតាំងនៅខាងឆ្វេងនៃអេក្រង់ Home ហើយអាចចូលប្រើព័ត៌មានមួយចំនួនដូចជាអាកាសធាតុ និងបញ្ជីលេខទូរសព្ទ (Contact)។ បើចង់ដកចោល ព្រោះគិតថាទើស អាចចុចឲ្យជាប់លើអេក្រង់ Home > ចុចលើ Settings > ចុចប្តូរទីតាំងប៊ូតុងទៅ Off ដើម្បីបិទដំណើរការ Shelf។

6/ផ្លាស់ប្ដូរ App icons

OnePlus Launcher មាន icon packs ជាច្រើនក្នុង Play Store ដែលអាចជ្រើសរើសរាងណាមួយបាន។ ចុចឲ្យជាប់លើអេក្រង់ Home > ជ្រើសរើស Settings > Icon pack > OnePlus មានស្ទីលបីស្រាប់ អាចពិនិត្យមើល ហើយចុចលើ icon នោះដើម្បីប្រើប្រាស់បាន។ ក៏អាចពិនិត្យមើល icon packs លើ Play Store ដើម្បីបន្ថែមបានដែរ។

7/ចាក់សោលើកម្មវិធី

អ្នកអាចបន្ថែមសុវត្ថិភាពលើកម្មវិធីណាមួយបាន ដោយពេល Enabled ត្រូវការបញ្ចូល PIN code ឬ ស្កេនម្រាមដៃ មុនពេលកម្មវិធីបើកដំណើរការ។ ចូលទៅកាន់ Settings > Security & fingerprint > App Locker > ជ្រើសរើសកម្មវិធីជាច្រើនអ្នកចង់ការពារ។

8/ការពារកម្មវិធីណាមួយពីការបិទ

ធម្មតា អ្នកអាចបើក App Switcher ហើយបិទកម្មវិធីទាំងអស់ ដើម្បីចំណេញ Resource (CPU និង RAM)។ បើចង់រក្សាកម្មវិធីណាមួយនៅបើកដំណើរការ ដូចជាកម្មវិធីចាក់បទចម្រៀងជាដើម អាចធ្វើបាន ដោយនៅផ្នែកខាងលើកម្មវិធីនីមួយៗមាន icon រូបកូនសោ អ្នកចុចលើ icon នេះនឹងអាចការពារកម្មវិធីពីការបិទបាន។

9/លេងហ្គេមដោយគ្មានការរំខាន

អាចបើកដំណើរការមុខងារ Gaming Do Not Disturb ពេលកម្មវិធី (ហ្គេម) កំពុងប្រើប្រាស់ ដោយចូលទៅកាន់Settings > Advanced > Gaming Do Not Disturb។ ក្រោយបើកដំណើរការ រាល់ Notification នឹងត្រូវបាន Block ពេលកំពុងប្រើប្រាស់កម្មវិធី។

10/កំណត់តំបន់នៃរូបភាព

កំណែទម្រង់ថ្មី Android Oreo 8.0 មានមុខងារថ្មីមួយ បន្ថែមស្រាប់ទៅកាន់កម្មវិធី Gallery គឺទីតាំង។

ក្រោយអ្នកថតរូប នឹងឃើញ Tab ថ្មីមួយឈ្មោះ Places បង្ហាញនៅជ្រុងខាងក្រោមផ្នែកខាងស្តាំនៃកម្មវិធី Gallery។ អ្នកអាចជ្រើសរើស ដើម្បីពិនិត្យមើលរូបភាពលើផែនទីនៃតំបន់របស់រូបភាពបានថត។