Christina Aguilera សន្យាថាអាល់ប៊ុមថ្មីខ្លួននឹងចេញឆាប់ៗនេះហើយ

2018-01-25 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Christina Aguilera ដែលចាប់ផ្ដើមល្បីឈ្មោះជំនាន់ជាមួយ Britney Spears និង Justin Timberlake បានប្រកាសជិតបញ្ចេញអាល់ប៊ុមថ្មីហើយ បន្ទាប់ពីបាត់មុខមិនដែលចេញបទចម្រៀងអស់រយៈពេលជាង ៥ឆ្នាំមកនេះ។

ថ្មីៗនេះមានអ្នកគាំទ្រម្នាក់បានផ្ញើសារពោរពេញទៅដោយការច្នៃប្រឌិត ទៅកាន់តារាធ្លាប់ឈ្នះពាន Grammy ៥ដងរូបនេះដោយភ្ជាប់ជាមួយឈ្មោះរបស់នាងនៅកន្លែងដាក់តាំងឈ្មោះកិត្តិយស Hollywood Walk of Fame។ នាងសរសេរថា "Christina Aguilera ជាទីស្រលាញ់ ហើយចុះអាល់ប៊ុមថ្មីអង្កាល់ណាបានចេញ?”

Christina បានឆ្លើយតបថា៖ "វានឹងមកដល់ឆាប់ៗនេះហើយ" ដោយមានបញ្ចូលជាមួយរូប Emoji ភ្លើងជាច្រើន។ មូលហេតុមួយដែលនាងអវត្តមាននៅក្នុងវិថីសិល្បៈ គឺដោយសារតែនាងទើបតែភ្ជាប់ពាក្យជាមួយគូដណ្ដឹង Matt Rutler កាលពីខែកុម្ភៈឆ្នាំ ២០១៤ និងសម្រាលកូនទី២ទៀតផង។ ហេតុដូច្នេះហើយទើបនាងត្រូវផ្អាកការងារសិល្បៈមួយរយៈដើម្បីយកចិត្តទុកដាក់ចំពោះគ្រួសារ។

ទោះបីជានាងមិនមានបទចម្រៀងថ្មី Christina ក៏បានបង្ហាញខ្លួននៅក្នុងបទចម្រៀងរបស់តារាល្បីៗជាច្រើនផងដែរ ដូចជាជាមួយបទ "Say Something” ជាមួយក្រុមចម្រៀង A Great Big World និង "Do What U Want” ជាមួយ Lady Gaga ជាដើម៕