JYP លេងធម៌ក្ដៅចំពោះអ្នកដាក់ទំនាយឲ្យ Suzy ស្លាប់

2014-11-12 16:59:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតកម្ម JYP Entertainment បានដាក់ពាក្យបណ្ដឹងទៅកាន់ស្ថានីយប៉ូលិស Seoul Gangnam កាលពីល្ងាចម្សិលមិញ ដើម្បីប្ដឹងអ្នកលេងអ៊ីនធឺណិតម្នាក់ដែលបានប្រើពាក្យប្រមាថធ្ងន់ៗមកកាន់ តារាចម្រៀងរបស់ខ្លួន គឺសមាជិកក្រុម miss A នាង Suzy។ នេះបើយោងតាមរបាយការណ៍របស់សារព័ត៌មានកូរ៉េ MWAVE។

កាលពីថ្ងៃទី១១ ខែវិច្ឆិកា ម្សិលមិញ តំណាងផលិតកម្ម JYP បានប្រាប់អ្នកសារព័ត៌មានថា ពួកគេត្រៀមដាក់ពាក្យបណ្ដឹងនៅរសៀលថ្ងៃអង្គារ ពាក់ព័ន្ធរឿងអ្នកប្រើពាក្យសម្ដីប្រមាថជីវិតរបស់ Suzy។ អ្នកតំណាងរូបនេះបាននិយាយថា "នេះមិនមែនជារឿងដែលពួកយើងអាចអត់ឱនឲ្យងាយៗឡើយ។ ដោយតារារបស់យើងរងការប៉ះទង្គិចខ្លាំង យើងត្រូវតែចាត់វិធានការទាមទារឲ្យមានការកាត់ទោសត្រឹមត្រូវ"។

កាលពីថ្ងៃទី៩ ខែវិច្ឆិកា អ្នកលេងអ៊ីនធឺណិតម្នាក់បានសរសេរពាក្យប្រមាថជាច្រើនលើ Twitter របស់ Suzy រហូតដល់តារារូបនេះទ្រាំមិនបានក៏ឆ្លើយតបទៅវិញថា "អីចឹង អ្នកចង់ឲ្យខ្ញុំស្លាប់មែនទេ?”។ ក្រោយមកជនម្នាក់នោះនៅតែចូលមកសរសេរជាច្រើនដងទៀតថា “មនុស្សអាក្រក់ដូចអ្នក សមតែស្លាប់ដោយសារគ្រោះថ្នាក់ចរាចរណ៍ … សមតែខ្ទាតចេញពីវិស័យសិល្បៈ"។

និយាយពីការងារសិល្បៈ បច្ចុប្បន្នស្រីស្រស់វ័យ ២០ឆ្នាំ Suzy កំពុងសម្ដែងក្នុងខ្សែភាពយន្តថ្មីមួយ មានចំណងជើងថា “Dorihwaga” ជាមួយតារាសម្ដែង Ryu Seung Ryong ៕

អានអត្ថបទ៖ តារាចម្រៀងស្រីរូបណារកចំណូលបានច្រើនជាងគេក្នុងឆ្នាំ២០១៤នេះ?