ញញឹមបិទមាត់មិនជិតទៀតហើយ! អាចមានរថភ្លើងលើអាកាសពីភ្នំពេញ ទៅព្រែកព្នៅ

2018-02-01 03:01:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីភ្នាក់ងារសហប្រតិបត្តិការអន្តរជាតិជប៉ុន-កម្ពុជា ហៅកាត់ (JICA) កំពុងសិក្សាលើគម្រោងផ្លូវរថភ្លើងលើអាកាស ដែលគ្មានអ្នកបើក ដូចនៅប្រទេសជប៉ុន ពីភ្នំពេញ ទៅពហុកីឡដ្ឋានជាតិថ្មី (មរតកតេជោ) នៅព្រែកព្នៅ ចម្ងាយប្រហែល ១៨គីឡូម៉ែត្រ។ នេះបើតាមឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃទី៣០ ខែមករា ឆ្នាំ២០១៨ ក្នុងពិធីចុះហត្ថលេខាលើអនុគម្រោងសាងសង់ប្រព័ន្ធបណ្តាញលូ នៅក្រុងបាត់ដំបង។

បច្ចុប្បន្ននេះ ក្រសួងសាធារណការ ក៏មានគម្រោងសាងសង់រថភ្លើងលើអាកាសស្វ័យប្រវត្តិ (AGT) ចំនួន ៤ខ្សែក្នុងរាជធានីភ្នំពេញដូចជា មហាវិថីហ្សាលដឺហ្គោល មហាវិថីព្រះមុនីរ៉េត(ផ្លូវលេខ ២១៧) ផ្លូវវេងស្រេង ឆ្ពោះទៅព្រលានយន្តហោះ និង១ខ្សែទៀតបែកខ្នែងទៅផ្លូវជាតិលេខ៤ និងផ្លូវកប់ស្រូវ មានប្រវែងសរុប ១៨គីឡូម៉ែត្រ។ គម្រោងទាំងអស់នេះ (JICA) កំពុងតែសិក្សានៅឡើយ មិនទាន់បញ្ជាក់ពីគម្រោងថវិកា និងកាលបរិច្ឆេទចាប់ផ្ដើមសាងសង់នៅឡើយទេ៕