យល់ដឹងខ្លះៗពីពិធីបុណ្យចូលឆ្នាំចិន២០១៨ និងមូលហេតុគេប្រារព្ធវាឡើង

2018-02-01 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុណ្យចូលឆ្នាំចិន (Chinese New Year) ឬ ហៅម្យ៉ាងទៀតថា បុណ្យនិទាឃៈរដូវ (Spring Festival) គឺជាពិធីបុណ្យប្រពៃណីដ៏សំខាន់បំផុតមួយ សម្រាប់ប្រជាជននៅក្នុងប្រទេសចិន។ វាក៏ជាពេលវេលាសំខាន់សម្រាប់ជួបជុំក្រុមគ្រួសារ និងជាថ្ងៃឈប់សម្រាកសាធារណៈផងដែរ។

បុណ្យចូលឆ្នាំចិន មិនមែនត្រូវនឹងថ្ងៃទី០១ ខែមករា ឡើយ

បុណ្យចូលឆ្នាំចិន ក្នុងឆ្នាំ២០១៨ នេះ ត្រូវនឹងថ្ងៃសុក្រ ទី១៦ ខែមករា ពោលគឺជាថ្ងៃចាប់ផ្ដើមនៃឆ្នាំចតែម្ដង។ ពិធីបុណ្យចូលឆ្នាំចិន ឬ ពិធីបុណ្យនិទាឃៈរដូវ គឺជាថ្ងៃឈប់សម្រាកសំខាន់បំផុតសម្រាប់ប្រទេសចិន , ហុងកុង , ម៉ាកាវ , តៃវ៉ាន់ រួមទាំងប្រទេសជិតខាងមួយចំនួនទៀតដូចជា សិង្ហបុរី និង កូរ៉េខាងត្បូង ជាដើម។

បុណ្យចូលឆ្នាំចិន២០១៨ គឺជាឆ្នាំនៃសត្វសុនខ

ឆ្នាំ២០១៨ គឺជាឆ្នាំនៃសត្វសុនខ បើគិតតាមវដ្ដនៃឆ្នាំសត្វទាំង ១២ របស់ចិន។ ឆ្នាំនៃសុនខ មានដូចជា … ១៩៣៤, ១៩៤៦, ១៩៥៨, ១៩៧០, ១៩៨២, ១៩៩៤, ២០០៦, ២០១៨, ... ជាដើម។ វាឈរនៅលេខរៀងទី ១១ នៃឆ្នាំសត្វទាំង ១២ របស់ចិនបន្ទាប់ពីឆ្នាំរកា និង ឆ្នាំកុរ។

ហេតុអ្វីប្រជាជនប្រារព្ធពិធីបុណ្យចូលឆ្នាំចិន?

ទោះបីជាមានរឿងរ៉ាវ និងរឿងព្រេង ពន្យល់ពីការចាប់ផ្ដើមនៃពិធីបុណ្យចូលឆ្នាំចិន គួរឲ្យចាប់អារម្មណ៍ជាច្រើនយ៉ាងណាក៏ដោយ តែមូលហេតុសំខាន់ដែលគេប្រារព្ធពិធីនេះឡើង មានតែ២ប៉ុណ្ណោះ គឺ៖

ដើម្បីអបអរការខិតខំធ្វើការពេញមួយឆ្នាំ, ដើម្បីឲ្យមានការសម្រាកដ៏ប្រសើរ និង បានជួបជុំក្រុមគ្រួសារ
ដើម្បីផ្សងឲ្យមានសំណាងល្អ និង ភាពរុងរឿង ថ្កុំថ្កើង នៅឆ្នាំខាងមុខ

ប្រជាជនចិនជឿជាក់ថា ការចាប់ផ្ដើមដ៏ល្អនៅដើមឆ្នាំថ្មី នឹងនាំឲ្យមានសំណាងល្អពេញមួយឆ្នាំ។ តាមប្រពៃណី ប្រជាជនចិនបានប្រារព្ធការចាប់ផ្ដើមឆ្នាំថ្មី នៃការធ្វើកសិកម្ម ដោយផ្សងឲ្យមានការប្រមូលផលល្អ (សម្រាប់កសិករ)។

បច្ចុប្បន្ន ការប្រារព្ធពិធីមួយនេះ មានការវិវត្តយ៉ាងខ្លាំង ដោយគេបានប្រារព្ធពិធីផ្ដើមឆ្នាំថ្មីនៃអាជីវកម្មផ្សេងៗ និងផ្សងឲ្យមានប្រាក់ចំណេញច្រើន ព្រមទាំងទទួលបានជោគជ័យ ក្នុងភារកិច្ចនានា៕

ចុចអាន៖

ប្រភព៖ China Highlights ប្រែសម្រួល៖ សេង ឡុង