ថា iPhone X ថ្លៃ តែវៀតណាមផលិត iPhone X ម៉ូដែលពិសេស ថ្លៃកប់ជាងហ្នឹងទៀត

2018-02-02 02:02:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្ទឹមនឹងការកំណត់តម្លៃខ្ពស់ពីសំណាក់ក្រុមហ៊ុន Apple លើម៉ូដែល iPhone X ថ្លៃចន្លោះពី ៩៩៩ ដុល្លារ ដល់ ១ ១៩៩ ដុល្លារនៅទីផ្សារអាមេរិក។ ក្រឡេកទៅក្រុមហ៊ុនប្រទេសវៀតណាម Golden Ace បានបន្តរចនាម៉ូដែលពិសេសនេះ ទៅជាប្រភេទ Bentley Edition យកតាមលំនាំរថយន្តថ្លៃមិនក្រោម ២០០ ០០០ ដុល្លារ។

ដោយបំបាត់ស្លាកយីហោ Apple ជំនួសទៅជារូបតំណាង Bentley ហើយនៅខ្នងក្រោយ មិនថាតែស៊ុមព័ទ្ធជុំវិញកាមេរ៉ា និងស្រោបចំហៀងម៉ាស៊ីន ប្រើទឹកមាស 18K ។ ថ្វីបើមិនទាន់បង្ហើបប្រាប់ពីតម្លៃ ប៉ុន្តែតាមការលេចលឺក្រុមហ៊ុន Golden Age នឹងផលិតផលស្មាតហ្វូន Edtion ប្រភេទនេះត្រឹមតែ ១០០ គ្រឿងប៉ុណ្ណោះសម្រាប់លក់ជុំវិញពិភពលោក។

រូបតំណាង iPhone 6 Clous de Paris

គូសបញ្ជាក់ថានេះមិនមែនជាលើកទី ១ សម្រាប់ក្រុមហ៊ុនវៀតណាមមួយនេះទេ ខណៈកន្លងទៅខ្លួនក៏ធ្លាប់រចនាទាំងម៉ូដែល Vertu ក៏ដូចជា iPhone 6 Clous de Paris ស្រោបមាស 24K ហើយមានខ្លះថ្លៃដល់ខ្ទង់មុឺនដុល្លារឯណោះ។

ប្រភព: http://www.iphonehacks.com/2018/01/18k-gold-limited-edition-bentley-iphone-x-obscenely-rich.html