នុះ! បាត់ Telegram ពីក្នុង App Store ឈឹងរកមិនឃើញមូលហេតុ

2018-02-01 09:13:49
ចំនួនមតិ 0 | ចំនួនចែករំលែក 0

ចន្លោះមិនឃើញ

Telegram ដែលជាកម្មវិធីផ្ញើរសារដ៏ពេញនិយមមួយ ត្រូវបានគេរាយការណ៍ថាបានបាត់មុខពី App Store អំបាញ់មិញនេះដោយគ្មានមូលហេតុ។

កម្មវិធី Telegram

កម្មវិធី Telegram និង Telegram X ដែលបានបាត់ខ្លួនយ៉ាងសម្ងាត់នេះ ត្រូវបានគេដឹងតាមរយៈអ្នកប្រើប្រាស់ម្នាក់ដែលបានបង្ហោះលើគេហទំព័រ Reddit ថ្មីៗនេះ។ ក្នុងនោះដែរក៏មានអ្នកបញ្ចេញមតិជាច្រើនបានសរសេថា **ករណីនេះកើតឡើងចំពោះអ្នកដែលមានគណនី iTune ដែលមាន Location នៅសហរដ្ឋអាមេរិក។** ដោយឡែកចំពោះអ្នកដែលមិនមាន Location នៅសហរដ្ឋអាមេរិកប្រហែលជាមិនអីនោះទេ។ ឯអ្នកផ្សេងទៀតក៏បានរៀបរាប់ថា ខ្លួនក៏ជួបបញ្ហានេះដែរ។

កាលពីថ្ងៃពុធកន្លងទៅកម្មវិធី Telegramនិង Telegram X ត្រូវបានក្រុមការងារ TDLib (Telegram Database Library) បានបញ្ចេញដាក់ឲ្យដោនឡូតនៅលើ Play Store ដោយមិនគិតថ្លៃ។ ដោយឡែកនៅ App Store វិញទៅជាបាត់អស់រលីងទាំងកម្មវិធីចាស់និងថ្មី(Telegram, Telegram X) ដោយគ្មានការចេញសារជូនដំណឹងពីក្រុម developer ឡើយ។

ចំពោះបញ្ហានេះ អ្នកប្រើប្រាស់ជាច្រើនបានជំរុញឲ្យក្រុមអភិវឌ្ឍកម្មវិធីខាងលើ ឆាប់ដោះស្រាយបញ្ហានេះ ដើម្បីឲ្យកម្មវិធីទាំងពីរនេះមាននៅលើ App Store វិញ។

- ចុចដោនឡូត Telegram X លើ Play Store

Telegram X កាលចេញដំបូងនៅ App Store

- Telegram X ជាកម្មវិធីថ្មីមួយទៀតដែលជាខ្សែស្រឡាយ Telegram ធម្មតាដែរ ប៉ុន្តែវាត្រូវបាន Developer បន្ថែមមុខងារជាច្រើនលើសពីជំនាន់ចាស់ដូចជា បន្ថែមមុខងារ Nightmode, មុខងារបែងចែកទីតាំងរូប សំឡេង ឬវីដេអូដោយឡែកពីគ្នា និងមុខងារ Preview រូបភាពមុនដោយមិនបាច់ចុចចូលប្រអប់សារ ហើយថែមទាំងអាចភ្ជាប់ជាមួយគណនី Telegram ចាស់បានទៀតផង៕