មកទល់ពេលនេះ ការស្លាប់របស់ Kim Joo Hyuk នៅតែរកមូលហេតុពិតប្រាកដមិនទាន់ឃើញ

2018-02-02 02:39:18
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាស្ថានវិទ្យាសាស្ត្រជាតិបានបង្ហាញលទ្ធផលក្រោយបានត្រួតពិនិត្យឡានរបស់តារាសម្ដែង Kim Joo Hyuk ប៉ុន្តែលទ្ធផលនោះកាន់តែធ្វើឲ្យមនុស្សគ្រប់គ្នាចោទជាសំនួរកាន់តែច្រើនជាងមុនទៅទៀត។

បើតាមនាយកដ្ឋានប៉ូលិសនៅតំបន់Gangnam បានឲ្យដឹងថា៖ "ក្រោយពេលពួកយើងបានត្រួតពិនិត្យឡានរបស់ Kim Joo Hyuk រួចមក គឺជាគ្មានសញ្ញាណាបង្ហាញពីបញ្ហាខុសបច្ចេកទេសឡាននោះទេ។ ប្រអប់ខ្មៅក្នុងឡានរបស់លោកក៏មិនបានថតសំឡេងអំឡុងពេលមានគ្រោះថ្នាក់នោះផងដែរ"។

បើតាមវិទ្យាស្ថានវិទ្យាសាស្ត្រជាតិក៏បានប្រកាសដែរថា៖ "ខាងផ្នែកហ្វ្រាំងនៃរថយន្តក៏មិនមានបញ្ហាដែរ"។

ខាងអធិការកិច្ចបានជួសជុលឡាននោះឡើងវិញតាមដែលអាចធ្វើបានដើម្បីមើលឲ្យច្បាស់ថាមានបញ្ហាណាមួយកើតឡើងអំឡុងពេលបើកបរនោះឬយ៉ាងណា ប៉ុន្តែពួកគេនៅតែមិនអាចរកឃើញប្រភពនៃបញ្ហានោះសោះ។

រថយន្តអាចមិនមែនជាបញ្ហាបង្កឲ្យមានគ្រោះថ្នាក់នោះទេ ហើយសុខភាពរបស់តារាសម្ដែងKim Joo Hyuk ក៏មិនមែនជាមូលហេតុនោះដែរ។

បើតាមវិទ្យាស្ថានវិទ្យាសាស្ត្រជាតិបានបញ្ជាក់ថា៖ "ជាតិអាល់កុល ថ្នាំការពារអាឡែកស៊ី ឬក៏សារជាតិពុលណាមួយមិនត្រូវបានរកឃើញក្នុងខ្លួនKim Joo Hyuk នោះទេ។ សូម្បីតែបញ្ហាបេះដូង ឬបញ្ហាសុខភាពមិនប្រក្រតីណាមួយក៏មិនត្រូវបានរកឃើញដូចគ្នា"។

ដោយសារតែបញ្ហារថយន្តចាត់ទុកជាមូលហេតុនៃការស្លាប់របស់តារាសម្ដែងរូបនេះនោះ ចម្ងល់ជាច្រើនបានលេចឡើងទាក់ទងនឹងមូលហេតុដ៏ស្រពិចស្រពិលនេះ៕

ចុចអាន៖

ប្រភព៖ Koreaboo ប្រែសម្រួល៖ អន សុភក្ត្រា