បញ្ឈឺទៀតហើយ! Kim Kardashian សរសេរឈ្មោះ Taylor Swift ក្នុងបញ្ជីតារាដែលនាងស្អប់

2018-02-02 04:38:27
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកម្មវិធីទូរទស្សន៍ Kim Kardashian បានធ្វើឲ្យអ្នកគាំទ្រមានការភ្ញាក់ផ្អើលសារជាថ្មីក្នុងសប្ដាហ៍នេះ ដោយនាងបានសរសេរឈ្មោះតារាៗដែលនាងស្អប់នៅលើបញ្ជីក្រដាសមួយចំនួន។

បញ្ជីមានពណ៌ផ្សេងគ្នានេះដែរត្រូវបានបង្ហាញឡើងក្រោយតារារូបនេះទើបតែសម្រាលកូនស្រីទី៣របស់នាង។ តារាងបញ្ជីនោះនាងបានបែងចែកទៅតាមពណ៌ ដែលនាងមានគម្រោងឲ្យជាកាដូដល់តារាទាំងនោះ។

បញ្ជីឈ្មោះទាំងនេះត្រូវបាននាងបង្ហោះលើ Snapchat ជាមួយនឹងការសរសេរមួយចំនួនថា៖ "ខ្ញុំនឹងផ្ញើរបស់ទាំងនេះទៅកាន់អ្នកដែលខ្ញុំស្រលាញ់ អ្នកដែលស្អប់ខ្ញុំ ទៅកាន់គ្រប់គ្នាដែលខ្ញុំកំពុងគិតដល់ព្រោះវាជារដូវកាលនៃបុណ្យនៃក្ដីស្រលាញ់ហើយ"។

ដោយក្រឡេកមើលទៅបញ្ជីនោះភ្លាម អ្នកគាំទ្រក៏បានចាប់អារម្មណ៍លើបញ្ជីក្រដាសពណ៌បៃតងដែលនៅខាងឆ្វេងដៃនោះគឺមានឈ្មោះ Taylor Swift រូមទាំងតារាមួយចំនួនទៀត។

ខណៈក្នុងបញ្ជីអ្នកដែលនាងចូលចិត្តនោះគឺមានពណ៌ផ្កាឈូក ដែលមានឈ្មោះ មិត្តសម្លាញ់របស់នាងផ្ទាល់ដូចជា Chrissy Teigen, Ciara និងParis Hilton ជាដើម។

ទោះបីជាតារារូបនេះមិនបានបញ្ជាក់ពីមូលហេតុដែលបែងចែកបញ្ជីនេះក៏ដោយ ក៏អ្នកគាំទ្រនៅតែដឹងថាបញ្ជីណាជាបញ្ជីដែលនាងស្អប់ និងបញ្ជីណាជាបញ្ជីអ្នកដែលនាងស្រលាញ់នោះដែរ៕

ចុចអាន៖

ប្រភព៖ Mirror ប្រែសម្រួល៖ អន សុភក្ត្រា