ប្រជាជនអាហ្វ្រិកខាងត្បូង នាំគ្នាទៅច្រកទឹកស្អាតទុក ព្រោះកាន់តែជិតអស់

2018-02-02 04:25:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុងនៅអាហ្វ្រិកខាងត្បូងមួយឈ្មោះ Cape Town ដែលមានប្រជាជនប្រហែល ៤ លាននាក់ កំពុងតែជិតអស់ទឹកស្អាតសម្រាប់ប្រើប្រាស់ហើយ។

បន្ទាប់ពីមានភាពរាំងស្ងួតអស់រយៈពេល ៣ឆ្នាំជាប់ៗគ្នា រដ្ឋាភិបាលបានព្រមានថា "ថ្ងៃសូន្យ" ដែលមានន័យថា រ៉ូប៊ីនេទឹកភាគច្រើនត្រូវបិទ នឹងកំណត់យកថ្ងៃទី ១៦ ខែមេសា។ នោះជាពេលដែលគេព្យាករណ៍ថា អាងស្ដុកទឹក និងប្រភពទឹកមានបរិមាណត្រឹម ១៣,៥% ប៉ុណ្ណោះ។

ខណៈដែលអាងស្តុកទឹកនៅទីក្រុង Cape Town កាន់តែជិតរីងស្ងួតនោះ ប្រជាជនកំពុងចាប់ផ្ដើមនាំគ្នា យកធុងទៅច្រកទឹកទុក។ ចំណែកឯអ្នកមានលទ្ធភាពល្មម បាននាំគ្នាជីកអណ្ដូងតូចនៅខាងក្រោយផ្ទះដើម្បីមានទឹកសម្រាប់ប្រើប្រាស់ ហើយសម្រាប់សណ្ឋាគារមួយចំនួន កំពុងវិនិយោគលើគម្រោងធ្វើឲ្យទឹកសមុទ្រអាចប្រើប្រាស់បានផងដែរ៕