ឃើញបុរសពិការភ្នែកកាន់ចង្កៀងដើរពេលយប់ ចង់មើលងាយ ចុងក្រោយស្ទើរក្អួតឈាម

2018-02-02 07:09:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីយូរលង់ណាស់មកហើយ មានបុរសពិការភ្នែកម្នាក់ បានរស់នៅក្នុងទីក្រុងដ៏តូចមួយ។ ជារឿយៗ បុរសម្នាក់នេះ តែងតែកាន់ចង្កៀងតាមខ្លួនរាល់ពេលចេញទៅក្រៅនៅពេលយប់ បើទោះបីជាខ្លួនពិការភ្នែកក៏ដោយ។

ថ្ងៃមួយ បន្ទាប់ពីបុរសពិការភ្នែក ធ្វើដំណើរត្រលប់មកផ្ទះវិញ ក្រោយពីទទួលទានអាហារពេលល្ងាចនៅខាងក្រៅរួច លោកបាន ប្រទះអ្នកធ្វើដំណើរវ័យក្មេងមួយក្រុម។ ពួកគេ បានសើចចំអកឲ្យបុរសម្នាក់ពិការភ្នែកនោះ រួចក៏បានសួរថា "អេ! លោក លោកមិនអាចមើលឃើញនោះទេ តែហេតុអ្វីបានជាចាំបាច់កាន់ចង្កៀងបែបនេះ?”

“បាទ! ពិតណាស់ ខ្ញុំមិនអាចមើលឃើញនោះទេ ប៉ុន្តែចង្កៀងដែលខ្ញុំកាន់នេះ គឺសម្រាប់ឲ្យមនុស្សដូចជាអ្នក អាចមើលឃើញខ្ញុំបាន។ ប្រសិនបើខ្ញុំមិនកាន់វាទេ អ្នកប្រហែលជាដើរបុកមនុស្សពិការភ្នែកដូចជាខ្ញុំបាត់ទៅហើយ” បុរសពិការ បានតបយ៉ាងដូច្នេះ។

ក្រោយពីបានលឺ សម្ដីរបស់បុរសពិការរួច ក្រុមអ្នកធ្វើដំណើរ មានការខ្មាសអៀនយ៉ាងខ្លាំង និងបានសូមទោសបុរសខាងលើ សម្រាប់ការមើលងាយរបស់ពួកគេ៕

ចុចអាន ៖

ប្រភព៖ Moral Stories 26 ប្រែសម្រួល៖ រ័ត្ន