ឡូយកប់! ចិញ្ចៀនភ្ជាប់ពាក្យ និងកម្រងរូបភាពគូស្នេហ៍ Taeyang-Min Hyo Rin

2018-02-02 07:39:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីរៀបអាពាហ៍ពិពាហ៍របស់តារាចម្រៀងដ៏ល្បី Taeyang និង Min Hyo Rin នឹងប្រារព្ធធ្វើឡើងនៅថ្ងៃស្អែកនេះហើយ ដោយមានការចូលរួមតែពីសំណាក់បងប្អូន ក្រុមគ្រួសារ និងមិត្តភក្តិរបស់អ្នកទាំងពីរប៉ុណ្ណោះ។

កាលពីប៉ុន្មានថ្ងៃមុននេះ ទស្សនាវដ្ដី Daze បានចែកចាយសៀវភៅរូបថតគូស្នេហ៍តារាចម្រៀងនេះប៉ុន្មានសន្លឹកដែលមើលទៅពិតជាផ្អែមល្ហែមខ្លាំង។ ក្នុងនោះដែរ អ្នកគាំទ្របានចាប់អារម្មណ៍ចិញ្ចៀននៅលើដៃរបស់ពួកគេទាំង២ដែលស្ថិតក្នុងរូបមួយសន្លឹក កាន់ដៃគ្នានៅឆ្នេរសមុទ្រ។

ចិញ្ចៀននោះដែរ ម៉ាក Chanel មានម៉ូដសាមញ្ញ ប៉ុន្តែឡូយឆាយ ដែលពិតជាស័ក្តិសមនឹងគូស្នេហ៍មួយគូនេះណាស់។ បើនិយាយពីតម្លៃវិញចិញ្ចៀនរបស់តារាចម្រៀង Taeyang មានតម្លៃ ៣,៣៥០ដុល្លារ រីឯចិញ្ចៀនរបស់តារាចម្រៀង Min Hyo Rin មានតម្លៃ ២,៤៥០ ដុល្លារ។

ក្រឡេកមកមើលកម្រងរូបភាពរបស់គូស្នេហ៍តារាចម្រៀងនេះវិញ ទស្សនាវដ្ដី Daze ទើបតែចែកចាយបន្ថែមនូវកម្រងរូបភាពមុនពេលរៀបអាពាហ៍ពិពាហ៍របស់ពួកគេ ដែលបានថតនៅកោះហាវៃ មើលទៅពិតជាស្រស់ស្អាត ទាក់ភ្នែកជាខ្លាំង។