សាហាវបាត់ នីកូ ស្ងាត់ស្រាប់តែចេញចម្រៀងនៅហង្សមាសធ្វើឲ្យផ្អើលអ្នកគាំទ្រ
- 2018-02-03 02:44:28
- ចំនួនមតិ 0 | ចំនួនចែករំលែក 0
សាហាវបាត់ នីកូ ស្ងាត់ស្រាប់តែចេញចម្រៀងនៅហង្សមាសធ្វើឲ្យផ្អើលអ្នកគាំទ្រ
ចន្លោះមិនឃើញ
ប្រិយមិត្តជាច្រើន ចាប់ផ្ដើមមានការភ្ញាក់ផ្អើល ក្រោយឃើញបទចម្រៀងមួយបទរបស់តារាចម្រៀង នីកូ ចេញនៅក្នុងផលិតកម្មហង្សមាស ខណៈកន្លងមក សាមីខ្លួនធ្លាប់អះអាងថា ចង់ធ្វើជាតារាចម្រៀងឯករាជ្យបន្ទាប់ចាកចេញពីទ្រនំសាន់ដេ។
ទំព័រហ្វេសប៊ុករបស់ហង្សមាស បានទម្លាយព័ត៌មាននេះជាមួយសារសួរទៅកាន់ប្រិយមិត្តថា ភ្ញាក់ផ្អើលទេ និងសូមស្វាគមន៍នីកូជាតារាចម្រៀងថ្មីក្នុងគ្រួសារហង្សមាស។ ជាមួយគ្នា ក៏មានភ្ជាប់ជាមួយបទចម្រៀងរបស់តារាចម្រៀងរូបនេះផ ដែលបទនោះមានចំណងជើងថា "ថ្ងៃបែកគ្នា"។ ប្រិយមិត្តរបស់ នីកូ ជាច្រើនបានភ្ញាក់ផ្អើល ជាមួយនឹងអំណរសាទរ។
អ្នកគាំទ្រផ្សេងទៀតថា នោះជាអ្វីដែលគេប្រាថ្នាចំពោះ Idol របស់គេ។ ប៉ុន្តែខ្លះ ក៏បារម្ភដោយសារហង្សមាសបច្ចុប្បន្នតារាចម្រៀងច្រើនពេក ជាហេតុធ្វើឲ្យពិបាកមានបទចេញលើទីផ្សារ។ ជាមួយគ្នានេះ ប្រិយមិត្តផ្សេងទៀត ក៏មិនទាន់ជឿទាំងស្រុងចំពោះការលេចចេញព័ត៌មានខាងលើនេះនៅឡើយ។ ចំពោះបញ្ហានេះ នីកូ បានទទួលស្គាល់ថាជាការពិត។ "នេះជាបទចម្រៀងរបស់ខ្ញុំនៅហង្សមាសហើយ “ថ្ងៃបែកគ្នា”!”។ នីកូ ថ្លែងប្រាប់អ្នកគាំទ្រលើ IG របស់លោក។
គិតមកត្រឹមពេលនេះ នីកូ គឺជាអតីតតារាចម្រៀងសាន់ដេទី៣ហើយ ដែលបានក្លាយជាតារារបស់ហង្សមាស បន្ទាប់ពី សុខ ស្រីនាង និងខេមរៈ សិរីមន្ត។ តាមព័ត៌មាន អាចនៅមានតារារបស់សាន់ដេផ្សេងទៀត ក៏ផ្សងព្រេងប្ដូរទ្រនំរបស់ខ្លួនដែរ ក្នុងនោះ តារាចម្រៀង អ៊ីវ៉ា ត្រូវចងភ្ជាប់ដោយព័ត៌មានអាចជាអ្នកទី៤ ស្របពេលមានដំណឹងថា ម្ចាស់បទ "នឹកខ្លួនឯង" បានផុតជាមួយផលិតកម្មចាស់ទៅហើយ។
យ៉ាងណា សាមីខ្លួន ធ្លាប់អះអាងប្រាប់សារព័ត៌មានថា ពេលនេះនាងនៅតែជាតារារបស់សាន់ដេរនៅឡើយ ប៉ុន្តែអ្វីកើតឡើងនៅពេលខាងមុខ គ្មាននរណាអាចស្មានដឹងមុននោះឡើយ៕