ជុំវិញរឿងពិសេសៗនៃមង្គលការ Taeyang និង Min Hyorin អ្នកគួរដឹង

2018-02-03 03:30:09
ចំនួនមតិ 0 | ចំនួនចែករំលែក 0

ចន្លោះមិនឃើញ

មង្គលការរបស់កំពូលតារាប្រុស K-Pop ប្រចាំក្រុម BIGBANG នឹងប្រព្រឹត្តិទៅនៅថ្ងៃទី ០៣ ខែកុម្ភៈ ឆ្នាំ ២០១៨នេះ តាមពេលវេលាដែលបានគ្រោងទុក។ សម្រាប់អ្នកគាំទ្រមានអារម្មណ៍រំភើបមុនបាត់ទៅហើយចំពោះពិធីដ៏សែនមានអត្ថន័យនេះ។

កន្លងមកមានព័ត៌មានជាច្រើន បានចុះផ្សាយហូរហែជុំវិញអាពាហ៍ពិពាហ៍របស់ Taeyang និង Min Hyo Rin។ ខាងក្រោមនេះ ជាព័ត៌មានលម្អិតបន្ថែមខ្លះៗ ទាក់ទងនឹងមង្គលការរបស់គូស្នេហ៍នេះ ដែលប្រិយមិត្តគួរដឹង៖

១. Taeyang និង Min Hyo Rin នឹងរៀបការនៅព្រះវិហារ

ពួកគេ សុទ្ធសឹងជាអ្នកកាន់គ្រិស្តសាសនា ដូចនេះក៏សម្រេចរៀបចំមង្គលការនៅព្រះវិហារ Seoul Joongang Church ដែលមានទីតាំងនៅខេត្ត Anyang។ សម្រាប់អ្នកដែលចូលរួមនឹងមានតែគ្រួសារ និងមិត្តជិតស្និទ្ធប៉ុណ្ណោះ។

២. តារាសម្ដែង Ki Tae Yong ជាចូលរួមជាពិសេសបំផុត

បើតាមផលិតកម្មរបស់ Tae Yong បានបញ្ជាក់ថា៖ "Ki Tae Yong នឹងចូលរួមជាពិសេសក្នុងមង្គលការរបស់ Taeyang និង Hyorin”។ រម្លឹកផងដែរ កាលពី Tae Yong រៀបការជាមួយ Eugune តារាចម្រៀង Taeyang ក៏បានទៅច្រៀងអបអរក្នុងពិធីមង្គលការរបស់លោកដែរ ក្នុងនាមជាមិត្តល្អនឹងគ្នា។

៣. ក្រោយចប់ពិធីនេះ ពួកគេនឹងមានពិធីពិសេស១ទៀត ដែលរៀបចំនៅសណ្ឋាគារ Paradise City

ពិធីពិសេសនោះ ជាកម្មវិធីអបអរគូស្វាមីភរិយាថ្មីថ្មោង ហើយត្រូវបានរៀបចំដោយអ្នកពីធីការដ៏ល្បីឈ្មោះ Youngsong Martin។ បើតាមព័ត៌មានបានឲ្យដឹងថា ពិធីនោះនឹងរៀបចំជាពិសេសបំផុត។

៤. ធៀបការរៀបចំបែបសាមញ្ញ

តារាចម្រៀង Song Baek Kyoung មកពីក្រុម 1YTM បានបង្ហាញសំបុត្ររៀបការរបស់ Taeyang និង Hyorin បង្កឲ្យមានការចាប់អារម្មណ៍ជាខ្លាំង បើទោះសាមញ្ញក៏ដោយ។ ធៀបការនោះ តុបតែងដោយ មាន បាច់ផ្កាតូចលម្អពីលើ មើលទៅគួរឲ្យចាប់អារម្មណ៍ម្យ៉ាង។

៥. រូបថតមង្គលការរបស់ Taeyang និង Min Hyo Rin ថតនៅកោះហាវ៉ៃ

ទស្សនាវដ្ដី "Dazed” បានបង្ហាញរូប Pre-Wedding របស់គូស្នេហ៍ទាំង ២ លើគម្របទស្សនាវដ្ដីដែលបានថតនៅកោះហាវ៉ៃ។ ដោយក្នុងនោះមានទាំងរូបពួកគេជិះសេះនៅលើឆ្នេរ និងអមជាមួយទេសភាពស្អាតៗជាច្រើនទៀត។

៦. ចិញ្ចៀនរៀបការរបស់ពួកគេជាម៉ាក Channel

ចិញ្ចៀនម៉ាក Chanel Coco Crush Ring Quilted Motif គឺជាចិញ្ចៀនរៀបការរបស់ Taeyang និង Hyorin ដែលមានពណ៌ទឹកប្រាក់។ សម្រាប់តម្លៃវិញគឺខ្ទង់ ៣ ២៥០ ដុល្លារអាមេរិក (ចិញ្ចៀន Taeyang) និង ២ ៧០០ ដុល្លារអាមេរិក (ចិញ្ចៀន Min Hyo Rin)។

៧. Taeyang បានទិញផ្ទះស្នាក់នៅដ៏ប្រណិតតម្លៃ ៤លានដុល្លារ សម្រាប់នៅជាមួយប្រពន្ធ

ក្រោយមង្គលការបញ្ចប់ ពួកគេនឹងរើទៅនៅផ្ទះថ្មី ដែលមានទីតាំងនៅតំបន់ Hannam ក្រុងសេអ៊ូល។ ផ្ទះនោះ ត្រូវបានរាប់ចូលជាផ្ទះដែលមានតម្លៃថ្លៃមិនណយដែរក្នុងទីក្រុង។ មួយវិញទៀត នៅពេលទៅនៅ ពួកគេនឹងក្លាយជាអ្នកជិតខាងរបស់តារាសម្ដែង Soo Ae, Lee Jong Suk, Shin Min Ah និងតារាល្បីៗជាច្រើនទៀត៕

ចុចអាន៖

ប្រភព៖ Koreaboo ប្រែសម្រួល៖ យី សុធារី