Jack Ma ប្រាប់កូនប្រុសថាមិនបាច់រៀនយក «និទ្ទេស A» ព្រោះហេតុផលភ្ញាក់ផ្អើលមួយ

2018-02-03 07:35:32
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីបច្ចេកវិទ្យា Jack Ma បានផ្ដល់ដំបូន្មានយ៉ាងជាក់ស្ដែងដល់កូនប្រុសរបស់ខ្លួនចំពោះវិស័យអប់រំ។

ថ្លែងនៅក្នុងកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោក World Economic Forum Annual Meeting កាលពីប៉ុន្មានឆ្នាំមុន ស្ថាបនិកក្រុមហ៊ុន Alibaba ខាងលើបានចែករំលែកបទពិសោធន៍អំពីខ្លួនឯងផ្ទាល់ ដែលមិនធ្លាប់ទទួលបានការអប់រំល្អដូចគេ។

«ខ្ញុំកើតនៅក្នុងគ្រួសារក្រីក្រខ្លាំងណាស់។ ខ្ញុំមិនដែលទទួលបានការអប់រំល្អនោះទេ ហើយខ្ញុំបានប្រឡងធ្លាក់ ដោយសារហេតុផលអ្វីក៏ខ្ញុំមិនដឹង»។ លោក Ma បានប្រាប់ដូច្នេះ។

មហាសេដ្ឋីចិនរូបនេះ បានបន្ថែមថា «ខ្ញុំបានប្រាប់កូនប្រុសរបស់ខ្ញុំថា អ្នកមិនចាំបាច់ជាសិស្សពូកែកំពូលតារាងទាំង ៣ នៅក្នុងថ្នាក់រៀនឡើយ ពីព្រោះនៅពាក់កណ្ដាលគឺល្អហើយ ដរាបណាពិន្ទុរបស់អ្នកមិនអាក្រក់ពេក។ មានតែមនុស្សប្រភេទនេះប៉ុណ្ណោះ ដែលមានពេលវេលាទំនេរគ្រប់គ្រាន់ ក្នុងការរៀនជំនាញដទៃផ្សេងទៀត"។

លោកបានបន្ថែមទៀតថា «ខ្ញុំគិតថា ប្រសិនបើសេដ្ឋកិច្ចចិនចង់អភិវឌ្ឍន៍ វាត្រូវការក្រុមហ៊ុនធុនតូចៗ និងមធ្យមច្រើន រួមទាំងក្រុមហ៊ុនដែលត្រូវការសហគ្រិនជាច្រើន ជាមួយនឹងតម្លៃ និងជំនាញ»។

យ៉ាងណាមិញ លោក Ma បានជំរុញហ្វូងមនុស្សនៅឯកិច្ចប្រជុំខាងលើថា «យើងមិនអាចបង្រៀនកូនឲ្យប្រកួតប្រជែងជាមួយម៉ាស៊ីន ដែលឆ្លាតជាងមនុស្សនោះទេ តែយើងត្រូវបង្រៀនកូនៗពីអ្វីដែលថ្មី ឬពិសេស។ ធ្វើរបៀបនេះ ៣០ ឆ្នាំក្រោយ កុមារនឹងមានឱកាសជាមិនខាន»៕

ចុចអាន៖

ប្រភព៖ nextshark ប្រែសម្រួល៖ សេង ឡុង