កាល​ពី​ថ្ងៃ​ទី ៣១ មករា​កន្លង​ទៅ កម្មវិធី Telegram ​ត្រូវ​បាន​លុប​ចេញ​ពី App Store ហើយ​បញ្ចេញ​នូវ​កំណែ​សាកល្បង Telegram X មក​ជំនួស​បាន​ប្រហែល ៣ ​ថ្ងៃ មុន​ដាក់​ឲ្យ​ទាញ​យក​ជា​ធម្មតា​វិញ​កាល​ពី​ថ្ងៃ​ទី ២ ​កុម្ភៈ។ ថ្លែង​ជុំវិញ​បញ្ហា​នេះ CEO ក្រុមហ៊ុន​លោក Pavel Durov បាន​ចេញ​សារ​លើ Twitter បែប​នេះ​ថា​មូលហេតុ​នៃ​ការ​ដកចេញ​ទាក់ទង​នឹង​ការ​បង្ហោះ​មាតិកា​មិន​សមរម្យ។

ឆ្លើយតប​នៃ​អ៊ីមែល​ទៅ​កាន់​អ្នក​អាន​លើ​គេហទំព័រ 9to5Mac ប្រធាន​ផ្នែក​ទីផ្សារ​ក្រុមហ៊ុន​ Apple លោក Phil Schiller បាន​រាយការណ៍​ថា​ដោយ​ក្រុម​ការងារ App Store ពិនិត្យ​ឃើញ​មាតិកា​ខុស​ច្បាប់ ជា​ពិសេស​រូប​អាក្រាត​របស់​កុមារ ចែកចាយ​បន្ត​គ្នា​លើ Telegram។ ភ្លាម​នោះ​ក៏​សម្រេច​ដក​ចោល​កម្មវិធី​ទាំង​មូល ដើម្បី​ដាស់តឿន​ដល់​អ្នក​វិស្វករ​ផលិត (Developer) ក៏​ដូច​ជា​ផ្ញើ​សារ​ទៅ​ស្ថាប័ន​ការពារ​ការ​កេងប្រវ័ញ្ច​កុមារ NCMEC ឲ្យ​បាន​ដឹង។​

​រំឭក​ថា​នេះ​មិន​មែន​ជា​លើក​ដំបូង​នោះ​ទេ ខណៈ​កន្លង​ទៅ Telegram ក៏​ប៊ិះ​តែ​នឹង​បិទ​ឲ្យ​លេង​ប្រើប្រាស់ ដោយ​រដ្ឋាភិបាល​ឥណ្ឌូណេស៊ី ក្រោយ​រក​ឃើញ​មាន​ជាប់​ទាក់ទង​នឹង​ការ​ចែកចាយ​រូបភាព​ភេរវកម្ម ប៉ុន្តែ​មាន​ការ​សម្របសម្រួល​មក​វិញ។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:

• អ្នក​ប្រើ​ស្មាតហ្វូន​និយម​ដោះដូរ​ស៊ីម ហើយ​អ៊ីនធឺណិត​អត់​ដើរ មាន​ដំណោះស្រាយ​ងាយៗ

• រៀបចំ​គោ​លនយោបាយ​​ថ្មី រក​ចំណុច​រសើប​​ ឈាន​ដោះស្រាយ​បញ្ហា​ការ​បង្កើត​ធុរកិច្ច​ឌីជីថល

ប្រភព៖ idropnews   ប្រែ​សម្រួល៖ កៅ រក្សា